探熱針

還個唱債 徐小鳳每場三百萬全包 自製慳水海報

Ads by Google

「熱烈地彈琴,熱烈地唱……」自從小鳳姐經典歌《喜氣洋洋》俾網民冇限 loop,多咗一班網友粉絲的她,今年七月開個唱,據悉除了食住個勢,還順便償還欠下兩年的歌債。
小鳳姐再出場,有指收三百萬一場玩全包。為賺到盡樣樣慳,其中海報玩懷舊,實質是慳水之作。

 


全包慳賺到盡
近年貼地到爆,連《 100毛》頒獎禮都撐場的小鳳姐,事隔兩年再開個唱,市道不景氣下仍一口氣開六場。天王天后收最多收一百萬一場的演唱會歌酬,小鳳姐出場就企硬收三百萬。據悉擁千萬身家的她,出名數口精,嫌單收歌酬唔夠賺到盡,實行收三百萬玩全包宴,製作、台、燈、聲、化妝及服裝等,連海報設計都一手包辦,控制成本,袋多一筆。

深明 sell鬼馬唔使 sell靚嘢,一手包辦個唱製作的小鳳姐,海報索性用舊相玩懷舊,慳水慳力慳功夫。

今年初小鳳姐去全城熱捧嘅 100毛頒獎禮,年屆 67依然貼地兼轉數快,當晚獲全場觀眾齊鼓掌,贏得網友心。
預收千萬歌酬要還

早前個唱記招, Backdrop放滿小鳳姐靚女舊相已經夠照,美術設計都慳番。

在小鳳姐的精打細算下,七月個唱便設計出慳水慳力,只放兩張舊相,大條道理玩懷舊的海報。配上生鬼口號:「既然青春留不住,不如有請小鳳姐。」搵錢有道的小鳳姐,果然食腦。
據悉今年的個唱,其實是為還演唱會債。「一四年佢同英皇一簽十五場個唱,雖然最後只開咗八場,但小鳳姐已一炮過袋走十五場,四千五百萬酬勞。當時開完個唱,小鳳姐仲話將會開 part 2。不過因為市道唔好,結果一拖拖到今年,英皇將小鳳姐演唱會合約賣咗俾幾間公司,剩低嗰七場要還債,所以就算波點裙著完再著,用舊相做海報都可以理解,對於包埋製作嘅小鳳姐而言,梗係愈慳得多,就愈袋得多嘛!」知情者說。
慳玩 Mix& Match
招牌波點裙
招牌裙, 14年個唱出過場, 15年做呂方個唱嘉賓,循環再用,學小鳳姐話齋,冇波點裙出場,會暴動㗎!

14年

15年
毛毛披肩
其實呢條毛毛披肩,喺 06年小鳳姐個唱已經唔係首度露面!不過鍾意慳嘅佢, mix& match到又何妨, 11年上海開個唱,繼續用得着。至於條 A字波點裙,同樣 05年個唱已經著過。

11年

06年
格仔裙
05年小鳳著住格仔裙去賀英皇集團的派對。事隔一年,披肩轉迷你斗篷,撐崇基崇德演唱會。

06年

05年
羽毛半截裙
83年在伊館開個唱的她,半身羽毛裙之後在 05年的個唱循環再現。

05年

83年
撰文、攝影、攝錄:娛樂組

文章標籤

tvb4life 發表在 痞客邦 留言(0) 人氣()