唔使開工,思琦例必接愛女卓穎落校車,再親自揸部去年新買的七十多萬 Land Rover送囡囡返補習班。

探熱針

離奇 收入減 學費 double 楊思琦女富貴轉讀英基

Ads by Google

飛甩空心吳帥後, 37歲的楊思琦做單親媽獨力照顧囡囡楊卓穎( Krystal),唔經唔覺,卓穎已經 4歲,去年更成功考入名校德望小學暨幼稚園,不過讀咗半個學期,楊思琦就為囡囡退學,轉讀學費貴兩倍的英基雅柏國際幼稚園。
收入唔多,要獨力養女擔家兼供樓的楊思琦勝在「生財」有道,為咗囡囡未來鋪路,學好兩文三語,融入上流圈子,不惜愈讀愈貴,為咗下一代贏在起跑線,思琦的確做足有突!

 


校車接送
為人家長都希望俾仔女最好的教育,近年名牌幼稚園學位爭崩頭,獨力撫養愛女楊卓穎( Krystal)的楊思琦去年就幫囡囡成功考入傳統名校德望小學暨幼稚園,一條龍上小學無難度,點知只係讀了半個學期,話咁快又轉去出名學費貴的英基雅柏國際幼稚園。
雖然英基好近位於清水灣半島屋企,但為咗令囡囡與同學有更多相處機會,思琦特意安排囡囡每日坐校車返學放學。四月十三日中午,一身街坊 look的思琦親自送囡囡落樓等校車,當日落住雨,思琦怕囡囡淋親跣倒,不惜一手拎傘,一手扶實囡囡上校車,由囡囡上車一刻直到校車開走,思琦都依依不捨回頭向囡囡揮手道別。
到了放學,思琦就孖住媽咪齊齊接卓穎落校車,再由思琦駕駛 Land Rover七人車送卓穎到太子道西返補習班。翌日,換轉由婆婆送落樓,等校車期間,活潑的卓穎無時停,校車一到,更甩繩馬騮一支箭跑上校車,就連婆婆都捉唔住!

一落校車,卓穎即攬實媽咪撒嬌。

思琦怕卓穎冷親,不惜一手拎遮,一手扶實囡囡上校車。

思琦依依不捨向囡囡揮手道別。

熟晒新校架步的卓穎,一落校車就有禮對外籍老師打招呼。

換轉婆婆送返學,卓穎見校車到,即一支箭跑走。

去年思琦幫囡囡成功考入傳統名校德望。
騎牛搵馬
之前有傳卓穎轉校是因為太百厭,經校方多番勸告後,思琦才無奈為女兒退學,但原來一直想囡囡讀國際學校。
「其實卓穎要報 K1嘅時候都報過英基,不過當時只係 waiting list,後來考咗入德望,思琦都唔想煩,覺得好大機會直升小學就俾個女讀住先,不過德望始終係傳統名校,各方面都比較嚴同埋功課多。點知後來英基嗰邊突然有位,思琦咪即刻帶個女再去面試囉,卓穎去面試嗰日已經話好鍾意新學校嘅環境同老師!其實思琦一方面想囡囡學好兩文三語,但又唔想囡囡讀書有太大壓力,佢覺得英基係介乎本地及國際學校之間,學習比較輕鬆自在,加上讀得英基,學生和家長全部都係有錢人,融入上流圈子都易啲啦!」知情人士透露。

思琦安排表演慾強的卓穎參加跳舞唱歌班。

思琦經常陪囡囡上溜冰班,爭取時間親子樂。

卓穎上堂,思琦在旁望實囡囡一舉一動。
不加反減
一二年囡囡出世後,楊思琦要獨力養女,又要供樓,真係搵少啲都唔掂,但離開無綫後,為爭取更多時間陪實愛女,思琦選擇逐步減產,連主力收入來源的內地酒吧騷,都突然間停接,收入明顯少咗,但思琦卻愈使愈豪!
去年被傳跟富商高健行秘密交往一年,暴發買車買樓,本來已經有三層樓揸手的她,過去一年增持多兩個物業,又換咗部七十多萬的 Land Rover,仲試過請埋司機負責接送女兒上學,雖然事後思琦大耍太極,只承認二人是朋友關係,但無可否認,思琦的確「生財」有道!

以往超慳家的思琦經常掃平貨。

曾經狂接內地酒吧騷的思琦,近年突然減產。

之前有傳卓穎太百厭,思琦才被德望多番勸告後退學。

去年思琦被傳與富商高健行秘交一年。
貴族學府
英基國際幼稚園分別有四間分校,曉新、青衣、烏溪沙及將軍澳雅柏,全不獲政府資助,學校課程注重英語及數學,提供英制教育,而雅柏分校分上、下午班,各設有英語及雙語班,四班共 96人,本學年學費由 7.2萬加至 8.4萬,升幅達 7.7%,加埋雜費,比德望貴足兩倍,絕對係貴族學府。

入不敷支
12年,自女兒楊卓穎出世後,楊思琦獨力撐起頭家,為供樓為生活,楊思琦密密出騷,大小通吃,去年,楊思琦突然減產,停騷推 job,但生活依然富貴。


2015-2016年(一年收入)
電影
《辣警霸王花》  10萬
《哥基王子》(客串)  15萬
《神探》  20萬

《寵物 ER3》主持

有線節目
《寵物 ER3》主持  8萬

《申訴五分鐘》

內地節目
《廚房的秘密》  15萬

香港電台(電視劇)
《監警有道 2015》  3千
《申訴五分鐘》  1萬
內地劇集

《歲月驕陽》( 34萬)  30萬
《暗戰危城》( 30集)  30萬
商演剪綵活動× 5  5萬

約 134萬 3千
撰文、攝影、攝錄:娛樂組

文章標籤

tvb4life 發表在 痞客邦 留言(0) 人氣()