me.jpg

Karen Mok
黑色外套$12,300
黑色短褲$4,300( both Versace)
白色皮釦高踭鞋$9,200 Dior
白色上衣  stylist's own

cover face

冇打算生仔 莫文蔚

Ads by Google

曾幾何時喜歡過莫文蔚。 96年剷 skin head,一絲不掛的《全身莫文蔚》大碟,都算是當年女歌手中最大膽的經典。後生點,對她的歌唱事業不太認知,相信會叫佢做《食神》的莫文蔚。再後生點,答案應是,好像是星爺揾佢唱《美人魚》主題曲,答案簡而精。無論那個時期的莫文蔚,相信都是「情與義、值千金」,問佢與舊愛是否再見亦是朋友?換來一句「我好大方,總之星爺叫到,我一定幫忙。」
多年過去,大家都各有歸宿,莫文蔚有德國老公錫,但講到生兒育女,她竟說:「從沒有計劃生。」何解?

 


〈 Profile〉
莫文蔚 Karen Mok
出生地: 1970年 6月 2日(雙子座)
生日:香港
語言:廣東話、普通話、英語、意大利語及法語
簡歷: 93年,在大學期間為音樂人雷頌德擔任 Demo主音而被發掘; 96年,推出廣東大碟《全身莫文蔚》; 96年,憑《墮落天使》奪得香港電影金像獎最佳女配角; 97年,台灣推出首張國語唱片《做自己》一炮而紅,專輯大賣 80多萬張; 03年,奪得 TVB8最受歡迎女歌手獎。 11年,與德國籍初戀男友結婚。
與舊愛合作

Karen Mok
黑色西褲$7,490
啡色絨背心
黑色皮腰帶
均未定價( all Bally)
黑色喱士上衣
金色粗手鈪、戒指( both stylist's own)

講到莫文蔚舊愛,來來去去得兩位,論最有話題,當然非星爺莫屬。 95年被邀拍《西遊記之仙履奇緣》,當年在莫文蔚眼中的周星馳,仲停留在《 430穿梭機》的年代,點知答應開拍同時搭上,事隔 20年,上排星爺揾佢同鄭少秋合唱《美人魚》主題曲,即時一口答應,唔通真係情與義,值千金。
「呢個可以話係世紀合作,可以同秋官唱到隻咁經典嘅歌,加埋星爺嘅戲,大家一向期待,簡直係世紀組合,成個錄音過程都好開心。呢次合作係星爺主動揾我,其實大家唔算係有 keep住聯略,(通常話再見不是朋友?)通常吖嘛,但係我唔係通常,我份人好大方,其實我都唔知部戲講乜,總之佢叫到,我當然會 support。」

87年
Karen 17歲初戀男友 Johannes,兜兜轉轉,原來係真命天子,緣份有時真係天注定。

96年
全裸上陣,喺香港女星嚟講都算大膽,不過有膽試都要有呢副 body先有咁嘅效果。

01年
Karen同哥哥其實早喺哥哥參加歌唱比賽時已認識,當時 Karen做花女上台獻花,入行相認之後更以 Uncle Leslie稱呼,感情好得很。

14年
一口氣放咗 3個月大假,同老公環遊半個地球,算係入行以來的唯一一次悠長假期。
小別勝新婚

Karen Mok
彩色雪紡 ruffles上衣$47,680
Chloé

莫文蔚曾經講過,初戀男友教佢講德文,星仔教佢品嚐紅酒,而馮德倫則教佢拍拖要愛得開開心心。學咗咁多嘢,結果又返番去學德文,事隔多年重遇,關係點樣經營?
「我做任何事都會同老公商量。結咗婚唔可以所有嘢都自己話晒事,當然佢唔會唔俾我做,兼好尊重我嘅決定。婚後經常都要分隔兩地,難得上年可以真正放低工作,入行 20幾年,最多放兩個星期假充電,之前同老公去咗三個月旅行,要爭取兩個人相處嘅 quality life,見識一啲自己唔熟悉嘅地方,唔可以永遠留在 comfort zone。
「小別勝新婚,呢一套對我嚟講好 work,上年 7月開始埋班搞巡迴演唱會,一直留喺亞洲區,冇乜機會返英國屋企,最多都係老公飛過嚟短聚一星期。我全部心機放晒喺個騷度,一口氣去唔同地方做咗十幾場,直至到農曆新年先可返屋企,咁樣嘅見面方法,時刻都可以保持住好掛住對方,呢種感覺喺一段關係裡面好緊要。有時間相處時,我哋最鍾意玩煮飯仔,因為佢鍾意煮,所以我只負責食,(你會洗碗?)有洗碗機㗎嘛。」
後記
訪問尾聲,例牌問問生仔問題,女星們罐頭答案,等上天安排、睇緣份、唔心急,在莫文蔚身上,一律都冇出現,換來斬釘截鐵說,生小朋友由始至終都沒有包括在人生計劃中。
老公同前妻已有三位小朋友,大家得閒交換襯衫經,唔使生已經有三個,你話幾爽。
Shoplist
Bally 中環國際金融中心 2098B號鋪( 3586 2899)
Chloé 中環國際金融中心 2081A號鋪( 2234 7820)
Dior 中環置地廣場 G40-G45號鋪( 800 969 886)
Versace 金鐘太古廣場 308號鋪( 2918 1008)
撰文: Carmen Chan
採訪:劉慰思
形象:黃健華
攝影: Parry Fung
美術: Lawrence Choy
化妝: Kerry Wong
髮型: Derrick Ng@Queen's Private i

文章標籤

tvb4life 發表在 痞客邦 留言(0) 人氣()