麥明詩知「齒」近乎勇抓贊助箍牙

港姐麥明詩昨日下午六時現身機場,從英國返港的她早前赴當地拍攝旅遊特輯,她被指在母校劍橋大學因未有申請拍攝而被趕離舞會,又指她是「假港姐」及牙齒不夠美,問步出機場的她有沒有嚇親?她笑言:「嚇親大家搞到咁多人接機,其實好小事。

Ads by Google

(被拒絕要離開?)我哋有申請,咁講對大學唔公平,因為佢哋配合好多,舞會係其中一項,有向舉辦舞會的學生會申請,拍咗一個鐘後,怕啲學生玩得唔盡興先走。」



抵港的麥明詩強調於母校的拍攝是有申請。

對於被指是假港姐,麥明詩謂該網站一向以輕鬆手法傾偈,自己在讀書時亦不時瀏覽,她補充:「申請去拍嗰陣都冇講係港姐,去到當地有學生認得!」至於有學生指港姐的牙齒應更美,她說:「係囉,有冇人贊助我箍牙?但箍咗會少咗份純真!」


麥明詩回到母校劍橋大學拍攝節目,卻鬧出「白撞風波」。
男友護花心切

提到男友林作力撐她,被問會否錫對方以作感謝?她笑言:「正常咁錫啦,開心佢關心我,佢成日亂噏,件事爆出嚟嗰陣我瞓緊,佢都唔知發生咩事,多謝佢護花心切。」至於林作被拍得在蘭桂坊夜蒲,兩名女友人更幫他擔遮,她笑說:「佢同我講唔係我走咗嗰陣影(口架),佢時不時都會出去,我冇計佢去幾多次呀。(女仔幫佢擔遮?)好過佢幫女仔擔啦。」

    文章標籤

    麥明詩

    全站熱搜

    tvb4life 發表在 痞客邦 留言(0) 人氣()