文詠珊SM裸到盡進擊影后

近年不斷在演技上挑戰自己的文詠珊,早前獻上入行以來最激的一次,接演一個極沉重角色,戲中還需要五花大綁全裸演出,少啲演技都甚難駕馭,難怪她直言開拍前一星期因壓力搞到夜夜失眠!文詠珊近年於影壇的成績有目共睹,今年入圍最佳女配角的她希望不負眾望,

Ads by Google

將來能憑該角色更上一層樓,向「下一站,影后」進發!



全裸上陣的文詠珊在床上被綁手綁腳施虐,齋睇相都夠晒心寒!

自2007年加入影壇,文詠珊(Janice Man)拍攝過不同類型的電影,近年她不斷挑戰自己,接演一些高難度角色,如去年於電影《赤道》中飾演冷艷殺手,拍打戲毫不錫身,拳拳到肉,連影后舒淇亦曾在微博稱讚,該片更令JM入圍今年《金像獎》的最佳女配角!最近,JM再向自己「下戰書」,接拍邱禮濤執導的懸疑電影《兇手還未睡》,戲中飾演一個心理極複雜、沉重的角色,還有一場全裸被虐戲份!該場全裸戲劇照近日曝光,相片中的她赤裸裸被五花大綁在床上,眼神楚楚可憐,震撼度十足,無論演技、尺度都考驗JM!

壓力大晚晚失眠

面對前所未有的挑戰,JM坦言接拍前經過一番思量:「真係要衝破好多心理關口!接到劇本之後用咗兩個星期去考慮,同導演邱禮濤開咗幾次會,覺得唔想錯過一個咁好嘅角色,所以最後都決定接拍!不過喺開拍前一個星期,我有好多嘢擔心、好忐忑,除咗嗰場戲(指全裸戲)之外,仲會擔心自己究竟駕唔駕馭到個角色呢?點樣可以演到有層次感?總之好多嘢諗、壓力好大,搞到成個禮拜都失眠!」


文詠珊從眼神露流出楚楚可憐,沉重演繹攞足一百分!

文詠珊憑《赤道》殺手一角提名金像女配角,有望開齋。

幸好,失眠最終隨着電影開鏡而慢慢消失,JM最終亦成功演繹角色,連導演邱禮濤都讚好「收貨」。談及那場全裸被虐戲,她坦言拍攝前仍感驚恐,但埋位後便甚麼也不去想,盡情豁出去演:「角色接咗,我就一定要做到最好!拍嘅時候冇特別清場,我只係一心想演好個角色,所以一開機就入咗戲,根本冇時間去諗其他問題,冇尷尬亦冇怯場,每個鏡頭都一、兩Take搞掂,好順利!」

感激拍檔帶入戲

電影中,JM跟林家棟及許志安的關係錯綜複雜,她十分感謝兩人,尤其家棟教了她很多:「佢哋兩個都係好好,依家大家都成為咗好朋友,家棟係一個出色嘅對手,能夠令我好快入戲。」JM近年在影壇的成績有目共睹,深得不少導演寵愛,稍後將接拍由鄭保瑞監製的《狂獸》。今年入圍金像獎的她被問到如此豁出去演出,是否想向影后進發?她躊躇滿志地說:「今次真係豁出去拍,當然希望有成果!好多謝各方導演、電影公司畀機會我。」影壇嶄露頭角,片酬當然升呢,據知JM的片酬已翻一倍,由100萬升至200萬,她笑說:「片酬嘅嘢我唔清楚,交番公司幫我搞,但若果大家想畀鼓勵我,我當然開心!」

文:影視組

升呢老闆創屋邨神話

現年27歲的文詠珊(JM)入行10年,由荃灣區屋邨女神做到「黎明愛將」,努力五年又五年,現時更做埋老闆娘擁有自家工作室,創娛樂圈另一神話。



文詠珊指拍攝前壓力大到失眠,拍完先一身鬆晒。

o靚模始祖

屋邨出身的JM早於14歲便被星探發掘,開展模特兒生涯,當時經常與好姊妹Angelababy以孖公仔造型示人,被視為「o靚模始祖」。2008年,她曾與鄧麗欣及賈曉晨等拍攝電影《內衣少女》大Sell青春!

進身「模Art」

2009年,JM轉投黎明旗下後全方位發展,隨即成為多個品牌的新寵兒,翌年更於電影《為你鍾情》擔正,與同門李治廷、衞蘭大鬥演技,開始於影壇發圍,還獲老闆黎明賜封為「模Art」!

自立工作室

2014年,JM簽約新公司太陽娛樂文化兼建立自家工作室,進擊內地搵人仔,接拍三部劇集、兩部電影及多個廣告,包括與陳偉霆合演劇集《蜀山戰紀之劍俠傳奇》,劇酬升至每集30萬人仔。

讚「戲」場澎湃林家棟睇好接棒

入圍金像獎「最佳女配角」的文詠珊(JM)於新片《兇手還未睡》中再作突破演技,遭林家棟施暴、半裸上陣及跟許志安接吻共浴。兩位拍檔對她讚不絕口,家棟指拍攝家暴戲前兩人分開培養情緒,埋位時亦默契十足,對JM的評語為眼前一亮:「幾年前喺紅地氈見過,當時已經覺得佢好Charm,今次合作就覺得佢係非常認真演戲嘅演員、係好好嘅對手,大家好有交流、好有火花。」對於近年影壇女星青黃不接,問到JM能否接棒影后?他坦言睇好對方:「呢幾年佢係好有機會嘅演員,氣場好澎湃,係影壇嘅Star,指日可待。」許志安亦直言很欣賞JM的投入:「佢好信任導演、劇組同我,好清楚知道故事發展需要而好大膽,好欣賞佢嘅付出。」



林家棟讚JM不斷進步中,進軍影后指日可待。


許志安與JM戲中有親吻戲,欣賞其演出大膽。

破格演出突圍

女星要成功突圍,不單止靠樣靚身材正玩仙氣,演出破格角色一樣有人Buy,好戲先至最實際!



蔡卓妍挑戰演妓。

蔡卓妍挑戰演妓

去年在電影《雛妓》與任達華一場激戰床戲,以裸背現身兼在片中爆粗,演技受認同賞識,更憑該片角逐金像影后!

陳法拉埋身肉搏

2013年與林家棟拍《奇幻夜》時一幕激戰床戲令人非常深刻,法拉跟全裸的家棟肉搏,狂野互咀,電影更列為三級片。


陳法拉埋身肉搏。

陳嘉桓激晒裸背。

陳嘉桓

連詩雅演繹大膽。
陳嘉桓激晒裸背

打破乖乖女形象,在電影《販賣.愛》中獻出第一次,包括要裸背跟廖啟智拍床上戲及激吻周柏豪!

連詩雅演繹大膽

先在《喜愛夜蒲》系列中有多場激烈親熱場面,包括與關楚耀「浴」搏,去年更在台灣電影《野狼與瑪莉》中挑戰另類口交場面,把一條「大雕燒」放入口。

邱禮濤打造影后無敵手

導演邱禮濤挑選女主角向來眼光獨到,喜用演員拍攝自己平日少接觸的題材,讓她們的演技潛能大爆發,如憑電影《我不賣身.我賣子宮》橫掃金馬、金像影后的劉美君,還有江若琳與蔡卓妍(阿Sa)分別憑《高舉.愛》及《雛妓》提名金像獎「最佳女主角」。談到執導新片《兇手還未睡》中邀得文詠珊(JM)擔正,邱禮濤讚對方認真又用心演戲,係一個很有潛質的女演員:「佢衝破到好多嘢,我成日同啲演員講『你演幾多,我拍幾多』,佢好肯去做,好難得!我絕對睇好佢。」



邱禮濤執導的電影盛產影后,包括劉美君贏得金馬女主角。


邱禮濤

 

    tvb4life 發表在 痞客邦 留言(0) 人氣()