Karen  20歲香港公開大學護理學系 Yr.2Karen指柑橘類的果皮發酵效果最理想,去油污能力亦最強,「柑橘類嘅果皮去污效果最好,同時亦較容易收集,水果店較容易有用剩嘅橙皮提供畀我哋。」

U撈

公大生開社企 推廣果皮清潔劑

Ads by Google

現時本港的社會企業超過 500間,當中有聘用銀髮族、更生人士為員工的餐廳及理髮店,形形式式,發展蓬勃。就讀公開大學護理學系的 Karen與另外 4位同樣有興趣成立社企的同學,參考了台灣廚餘再造工場的經營模式,將果皮發酵成天然清潔劑,並與本地庇護工場合作生產,於 15年 1月成立社企「果皮家族」,既為傷健人士提供工作機會,亦向大眾推廣回收廚餘等環保訊息。




採訪當日,「果皮家族」在午膳時間為公開大學的教職員舉辦果皮清潔劑工作坊, Karen(右一)即場用橙皮造清潔劑。

Karen強調果皮清潔劑的去污能力不亞於化學清潔劑,「果皮清潔劑主要成分係橙皮、西柚皮、黑糖及水,放喺密封嘅膠樽發酵 3個月,就可以使用。果皮及糖產生嘅天然酵素最適合清洗油污,冇化學成分,用嚟洗碗唔怕有主婦手。」
15年 1月,「果皮家族」以社企形式經營,與庇護工場合作生產果皮清潔劑,拍檔之一的 Erin表示:「果皮係由一間位於葵涌嘅果汁店免費提供,我哋會親自去收集果皮。 YMCA嘅庇護工場就負責果皮發酵及清潔劑包裝等生產工序,每 3個月約生產 400支。」
現時果皮清潔劑透過網上、社福機構的賣物會及果汁店出售,每支售價為$30, Karen指清潔劑最受「媽媽」歡迎,「假日一家大細去行賣物會,唔少媽媽見到天然清潔劑都會買支嚟試吓。」「果皮家族」每月會擺 2次市集或賣物會,每次可售出約 50支。

庇護工場合作生產


Erin會定期到位於葵涌的果汁店收集果皮,「我哋會喺舉辦工作坊前一、兩日去收果皮,而庇護工場生產清潔劑時所需嘅果皮,就會提早最少一星期收集。」

成員來自不同學科,大家因有興趣推動社企發展而聚在一起, Karen表示:「我哋 5個都係國際社企學會 Enactus嘅成員,曾去過台灣參觀當地社企,發現佢哋會邀請弱勢團體去幫手收集廚餘,生產成有用嘅商品。最後我哋幾個既想幫助有需要人士,又想創業,就一齊搞廢物再造嘅社會企業。」
廢物再造的環保產品多不勝數, Erin指最後因要配合庇護工場的生產流程而製造果皮清潔劑,「我哋最初想用過期牛奶造護膚品,但庇護工場平日接嘅 job,可能只係入吓信等唔會牽涉液體嘅工作。加上造護膚品會涉及酒精,工場認為畀弱能人士接觸化學液體唔安全,所以拒絕同我哋合作。最後,我哋改為製造成分只牽涉清水嘅果皮清潔劑,加上 YMCA盛愛之家庇護工場亦有水源設備,可以幫我哋生產。」

工作坊推廣環保


「果皮家族」出售的果皮清潔劑加入了少量起泡劑,令清潔效果更佳。每次洗碗時可擠壓 3下清潔劑,便足夠清潔碗筷。果皮清潔劑$30 500ML

除了和社福團體合作,及為有需要人士提供工作機會外,「果皮家族」亦有向大眾推廣環保訊息的責任, Karen表示:「 15年中,我哋開始與學校及社福團體合作搞果皮清潔劑嘅工作坊,對象主要係學生及主婦,向佢哋推廣廚餘再用嘅環保訊息。喺學校舉辦嘅工作坊,我哋會要求同學親身去收集屋企嘅果皮,明白廚餘唔一定要扔去垃圾桶,可以再造成為有用嘅產品。」現每月舉辦 2次工作坊,每次約 20人,每人收費約$50至$70,連同出售清潔劑,月賺近$4,000。
「果皮家族」正與區議會及屋邨辦事處聯絡,希望可以合作舉辦清潔劑工作坊, Erin表示:「我哋想多啲街坊認識果皮清潔劑嘅好處,大家一齊支持環保商品。」



清林(客人):
果皮清潔劑嘅製作過程唔算複雜,但發酵時間較長,所以我會買番支成品,即刻有得用。



Rainy House負責人陳先生:
因為鋪頭主打產品係西柚及橙汁,每日都會剩唔少果皮,「果皮家族」將我哋冇用嘅果皮再造成清潔劑,減少製造垃圾,好值得支持。

點造果皮清潔劑?

 




1.將果皮洗淨,量取適量分量放入膠樽。


2.可加入黃糖、黑糖或原糖,但避免使用精製白糖,以免影響發酵效果。


完成加入清水後,封蓋待發酵 3個月,便可使用。

撰文:杜曉婷
攝影:傅新發、陳子禮(部分圖片由被訪者提供)

 

    tvb4life 發表在 痞客邦 留言(0) 人氣()