大東山

Play House

同熱愛這片土地

Ads by Google

里安納度終於拎到奧斯卡最佳男主角殊榮,但佢仍不忘喺致謝辭中提醒人類要愛護地球,就連大家都以為佢只搵人仔嘅周星馳,都喺今年套《美人魚》入面話俾大家知:「如果有一天我們連乾淨的空氣和水都沒有,即使再有錢,也只是死路一條。」如今,有好多有心之仕都以不同的視影收錄地球之美,話俾大家知要努力保護環境。

19歲香港仔 展現香港最美一面

Kelvin Yuen學攝影只有短短一年多,已憑香港雲海照得到《 2015國家地理攝影大賽青年組》冠軍,家陣仲喺奧海城舉行首次個人公開攝影展, 30多張作品絕大部分都以香港嘅自然景色為主題,包括雲海、星空、閃電等等。 Kelvin坦言,希望政府不要做多餘嘅「保育」,更不要令香港寧靜又美麗嘅地方變成旅遊區,否則,香港嘅美景只會慢慢消失。故此, Kelvin致力拍攝出香港最美一面,未來更會邁向世界不同角落,以美景感染世人。




飛鵝山


萬宜水庫東壩


糧船灣


觀塘海濱長廊


糧船灣


鶴咀海岸保護區 

Kelvin Yuen「擁抱大自然」攝影展
首站:奧海城
日期︰即日起至至 3月 16日
時間︰ 10am-10pm
地點︰九龍奧海城 2期地下北翼中庭

第二站:利東街
日期︰ 2016年 3月 21日至 4月 30日
時間︰ 10am-10pm
地點︰香港灣仔利東街中庭展覽室
查詢: 2273 4761(奧海城)

國際級紀錄片大師 揭示全球海洋危機

環保議題豈止華人關心?以海洋紀錄片《 Blue Planet》最廣為人熟悉嘅著名前 BBC製作人 Jo Ruxton,連同香港導演及記者 Craig Leeson,以及世界徒手潛水冠軍 Tanya Streeter,歷時 7年到訪不同國家拍出全新紀錄長片《 A Plastic Ocean》,探索塑膠物料如何侵入自然環境,並影響著野生動物和人類健康,揭露出全球「用完即棄」嘅生活方式所帶來嘅嚴重惡果,不但務求藉此片提升大衆關注塑料污染所造成嘅海洋危機,更希望打破塑膠只是一次性用品嘅謬誤,以真相警惕世人。







動物因人類而死海鳥因進食人類所製造嘅垃圾而死亡,拍攝團隊發現喺海洋上嘅雀鳥屍體肚內有大量塑膠廢料。


海洋生物網纏身另外亦見海豚體內充斥塑料化學物、海洋生物被廢棄嘅塑膠容器和漁網纏身等等。 

人類自食其果
全球六大受污染國家正深受其害,包括中國、泰國、越南、斯里蘭卡、菲律賓及印尼。導演 Craig更發現海洋裡塑料過濾出來嘅化學物和其他有毒化學物,都會經食物鏈傳遞回人類,身體吸收後將帶來各種健康問題,包括癌症。

人類大量浪費
美國有負責企業及可持續發展工作嘅人士指出,當地每年生產超過 3億噸塑料,數量亦逐年增長,而其中一半只被使用一次後即被棄掉,垃圾流出海洋,造成污染。









求世人關注
Jo Ruxton表示,即使喺海底裡最偏遠嘅地方,都搵得到塑料,而塑料亦有被海洋生物食過嘅痕跡,令他們更感有責任讓世人明白問題嘅嚴重性,希望喺一代人嘅時間內扭轉劣勢。

《 A Plastic Ocean》
監製: Jo Ruxton
導演: Craig Leeson
上映日期:待定
YouTube search: A Plastic Ocean Official Trailer

撰文:陳可兒
部分攝影:陳子禮

 

    全站熱搜

    tvb4life 發表在 痞客邦 留言(0) 人氣()