HeadFi Lab

金屬玫瑰  Astell&Kem x JH Audio Rosie

Ads by Google

白色情人節將至,相信又會有唔少男性希望一擲千金,以鮮花贈女神,當中除咗係愛嘅表現,亦可放閃呃 like,表面上似係一射雙雕,可惜上月新聞報道上就有圖指出,於節日過後,一束束用嚟「宣示主權」嘅鮮花,最後下場竟同「劉肛華」相伴相隨!
呢個報道明顯說明,即使千金散盡,都未必保證大團圓結局!之不過,大家唔想以後喺大時大節被罰扭耳仔,甚至比一眾兵士有機可乘,送花依然係必須,但記者會建議送贈實際少少嘅玫瑰: Astell&Kern× JH Audio Rosie入耳式耳機。最少產品用上近來最潮嘅玫瑰金屬色外觀,即使唔係日日戴住聽歌,用來 show off一下,畀世人知道自己走在潮流尖端,都感覺良好吖!

Spec.
單元: 2×高音、 2×中音、 2×低音
頻響率應: 10Hz-23kHz
靈敏度: 117dB
阻抗: 17Ω
售價:$7,540
查詢: ECT( 3188 0767)

hi-end入門 低頻自決

究竟值唔值得用$7,540買 Rosie贈佳人?當然係見仁見智!不過重點係,當中係 Astell&Kern× JH Audio眾多 hi-end crossover耳機中最「入門」嘅一款,用嚟送畀另一半只係基本一步,最重要係之後可以「趁機借用」,乘機親近對方,條數點計都抵。只係首先,對方一定要成功成為自己嘅伴侶,觀音兵不在此列!
雖然當中話係用上鋁製玫瑰金屬外殼,但由於配以碳纖面板嘅關係,所以整體觀感都幾 tough吓,男仔用唔會勁 camp。至於用家最關心嘅音效方面,基於當中用上兩高、兩中音及兩低,合共 6枚動鐵單元,加上調音方面用上品牌專屬 freqphase技術,所以聽落會係 3頻平均,傾向監聽耳機嘅風格,如果聽開搖滾、 metal類嘅嘅用家,更可於耳機線上校大低音,輕輕用跟機小螺絲批向右扭就可以,設定簡單快捷。




玫瑰金色澤其實係傾向 copper色,感覺較為中性。


耳機線沿用有保險掣鎖定嘅設計,想換線升級嘅朋友務必留意。


跟機另有 2.5mm輸出耳機線,方便接駁 AK240或 AK380一類 hi-end DAP使用。


用上跟機小螺絲批向右扭,即可調校低音強度。

升級三子
如果覺得 Rosie太入門,不合女神身分,品牌另有 3款升級版二代型號,應該畀大家有更好選擇。(好似係)




Astell&Kern× JH Audio Angie II配備 4高、兩中、兩低,共 8動鐵單元,加上啞紅色外殼,低調中見浮誇。(售價:$10,800)


Astell&Kern× JH Audio Roxanne II暗藍色外 k看似低調,但就配備 4高 4中 4低,共 12枚動鐵單元,連 Madonna、 Maroon 5都係上代用家!(售價:$15,680)


Astell&Kern× JH Audio Layla II同 Roxanne II配備相同數量之動鐵單元,加上過兩萬售價,裡裡外外一樣咁辣!(售價:$22,980) 速聽篇

 




〈他一定很愛你〉@ DSD整體高音保持清晰、細緻,聽感舒服。


〈 Hotel California〉@ FLACintro編曲突顯耳機分析力出眾, 3頻輸出平均,唔會話有某頻段特別搶聲。

撰文:蘇家華
攝影:陳子禮

 

    文章標籤

    Astell&Kem x JH Audio Rosie

    全站熱搜

    tvb4life 發表在 痞客邦 留言(0) 人氣()