朱千雪 錫得怕醜

朱千雪計吓計吓都拍咗唔少劇集,喺無綫嚴重「花旦荒」底下,包括佢在內嘅近幾屆港姐,都好快手受到重用,喺劇集度孭重飛。

Ads by Google

不過,拍得多、戲份重,同啲演技好定唔好,又未必成正比,好似早前東姑喺九龍城街頭撞到朱千雪,佢正同拍檔黃浩然拍新劇《警犬巴打》嘅外景,於是畀東姑監場見證呢位正在上位小花嘅演技喇!

呢場戲講黃浩然踎低身幫朱千雪綁鞋帶,然後得到女仔送吻回報。朱千雪唔知係當街錫因而怯場,抑或對住黃浩然怕醜,一個鏡頭居然係咁NG。好彩,男仔亦唔太介意畀靚女錫多幾啖,唔係就真係頻頻NG得嚟,搞到好冇癮囉!

黃浩然踎喺地幫朱千雪綁鞋帶,一路NG一路踎低起身,唔知佢有冇見頭暈呢?

要朱千雪當街錫錫,佢似乎怕醜怯場,搞到頻頻NG再嚟過,演技有待磨練。

    全站熱搜

    tvb4life 發表在 痞客邦 留言(0) 人氣()