洪欣 廿四孝阿媽

喺〇九年,洪欣嫁咗畀細自己十一歲嘅內地藝人張丹峰;而喺一四年二月,兩人更加生咗一個活潑可愛嘅囡囡張晞彤。加埋之前傳同莫少聰所生嘅張鎬濂,即使洪欣已經四十四歲,兼且係兩個小朋友嘅媽媽;之不過,佢都係好省鏡同星味十足。

Ads by Google

日前,東姑路經數碼港商場,咁啱撞到洪欣同囡囡喺度玩緊充氣嘉年華。雖然場館嘅面積唔算太大,但係洪欣就每一步都跟到實一實,心怕囡囡會蕩失路。其實,快將二歲嘅囡囡非常之懂事,仲對每一件事物都十分好奇。而為咗要留低囡囡最可愛動人嘅一刻,洪欣就變身攝影師,不時攞住部手機捕捉佢嘅一舉手一投足。

同場,東姑仲發現「多仔公」陳浩民及蕭定一兩家人。現場所見,陳浩民嘅老婆蔣麗莎就算係粗身大細,都一於好少理,同啲仔女玩到好投入,high爆!至於,在旁嘅陳浩民就真係一額汗,即刻幫手挽鞋及抱住阿囡,聽到好似有啲驚險,查實場面好鬼溫馨。

雖然呢個充氣嘉年華嘅面積唔係好大,但係洪欣都好唔放心,有一半嘅時間都堅持抱住囡囡。

囡囡玩嘅跳彈牀明明係軟膠,但係洪欣都怕佢會跌親,於是既扶上又扶落。

為咗要留住囡囡可愛活潑嘅一刻,囡囡行到邊,洪欣就攞住部手機影到邊。

    全站熱搜

    tvb4life 發表在 痞客邦 留言(0) 人氣()