猜心羅生門

奶多人不怪?

Ads by Google

靚太( high tea中):突然唔舒服……
Arke:你沒事吧?
靚太(抱起 BB):谷奶嘛,況且 BB都應該肚餓。
Arke(東張西望):邊度係哺乳室呢……

 


靚太(寬衣解帶):呢間餐廳有,不過唔使啦,就咁就得。

Arke(尷尬):會唔會唔係幾好?

靚太(哺起乳來):你睇幾自然,母愛真偉大啊!

Arke:披塊紗巾遮一遮吧。

靚太:唏,想焗親我 BB咩?啲人會識避。你們後生女穿得暴露都唔怕啦。

Arke(沒好氣):第一,我不暴露,露點差人會拉㗎;第二,你咁講,即係潛意識裡其實想不想俾人望見?

靚太:我就是要宣揚母乳好處,入哺乳室都唔夠合理,我 BB有權享用餐廳的寬敞環境呀。

Arke:人幫襯一間餐廳,在去洗手間那刻也要面對較狹窄的環境;你可不可以當成去洗手間?而且你和 BB享用多一重設施添。
靚太(手機自拍):我還想擺上 facebook呢,之前有班外國婦女都喺半島酒店 cafe咁樣推廣。

Arke(苦笑):要我俾 like就難啲囉。我記得小時候跟家人返大陸,見到當街餵人奶覺得好驚嚇;點解同一件事由西人做,又變成是潮流?

靚太:世界在進步,這叫人權。

Arke:既然說人權,為什麼其他人卻無權避免一不小心望多兩眼被以為是偷窺狂?你會否在工作會議中、在寺廟哺乳?不會吧,畢竟有條界線,而界線只由你決定,那已經不只濫用人權,仲影響埋法治精神。

靚太(囁嚅):我都係唔想打斷同你聊天的雅興啫。

Arke:一語中的了,究竟是為咗大人抑或 BB的舒服方便?對 BB來說,最重要係安靜環境。我們爭取公眾場所增加哺乳室而且善用便好,矯枉過正,有反效果的。
靚太(總算餵完):此話怎講?

Arke:人家見既然咁多媽媽唔介意大庭廣眾做,設立哺乳室的速度反而會減慢了。

靚太(死撐):我就真係唔介意喎, Arke,你係女人都唔幫女人?

Arke:正因為要幫女人,總有比較斯文的媽媽吧,風氣構成壓力, BB哭了,如果她丈夫怕麻煩、人云亦云地逼她當街解決,她的尊嚴又在哪裡?

靚太(一邊收拾):估唔到以為天經地義的事情,原來仲有商榷餘地。

Arke(笑):總之禮多人不怪啦,我們學習 table manners,連在席間補妝都知道唔好意思,冇理由一下子退回原始時代。
作者介紹


Iris和 Arke是希臘神話裡一對孿生姊妹,托生今世成為本欄主持人,為大家解決情場和職場種種難辨錯對的羅生門事件。
Iris:善良正直的 OL,擅長心理測驗和分析。
Arke:敢愛敢恨的辣妹,擅長星座占卦。
撰文: Arke
插圖:朱桂葉

    文章標籤

    猜心羅生門 奶多人不怪?

    全站熱搜

    tvb4life 發表在 痞客邦 留言(0) 人氣()