同你吟一吟

小心嚇走方中信

Ads by Google

瞓未醒!《壹》仔開工前要走去花園街茶記整番杯咖啡回魂,竟然撞到已經買到一車都係嘅莫可欣。十點幾,咁早!
放低嘢上車,莫可欣再繼續,喺間由頭到腳乜都有專賣女人嘢嘅鋪頭,揀吓頭飾銀包仔,玩咗半個鐘;買夠再坐低食埋車仔麵。

 


見到莫可欣,《壹》仔成個醒晒,係嚇醒!飲咖啡錢都可以慳番,唔該晒!
方中信經常要返內地做嘢,有時開劇一拍就幾個月,莫可欣亦公開講過,知自己老公多女埋身,有時方中信仲會半開玩笑咁,同佢分享喺內地風光艷聞!但真好假好,只有相信對方係專一,因為佢冇得選擇!
自己知自己事!以莫可欣今時今日嘅款頭,點可能有選擇,嚇唔走方中信,都嚇親街坊,灰爆!

女人行花園街,當然唔會放過呢類專賣平嘢嘅鋪頭,莫可欣同其他 C9鬥逼,銀包仔、頭飾、匙釦濕碎嘢,十幾廿蚊有交易。

喺龍貓樂園買咗大袋走嘅莫可欣,先放低袋嘢上車,只見車頭乘客位又遮又花,亂到呢!

行到咁上下,肚餓食車仔麵,好慳家!
撰文:八珍

    文章標籤

    小心嚇走 方中信

    全站熱搜

    tvb4life 發表在 痞客邦 留言(0) 人氣()