月尾 1歲大嘅 Sofia,完全遺傳父母嘅良好基因,肥嘟嘟勁可愛,笑起上嚟仲似足媽咪 Gigi咁靚添!

全知言

遺傳靚媽天份 梁詠琪 1歲 B女識彈琴

Ads by Google

靚媽 Gigi梁詠琪,羊年最後一日一樣忙個不停,分別演出台灣嘅《紅白藝能大賽》同北京中央電視台「春晚」,分身有術,最開心莫過於一班粉絲!為應付演出,原來 Gigi都落足苦功:「我已經好耐冇彈過鋼琴,為咗今次練咗好耐,最好笑係每次練琴時, Sofia都喺旁邊聞歌起舞,有時甚至要我抱住練習,我彈右手佢就手郁郁彈右手,可能係遺傳啦!我覺得 Sofia都鍾意音樂,所以我打算將來同個女一齊重新學鋼琴。」 Sofia月尾先 1歲,但每次喺電視機見到媽咪唱歌都笑到咔咔聲!

 


雖然新春兩母女要分隔兩地,幸好 Gigi年初一已趕返屋企,仲帶埋 Sofia去長輩家拜年兼逗利是添!問到 Gigi新年願望,梗係希望家人同朋友都身體健康,仲講笑咁話希望 Sofia唔好咁快大個,事關𠵱家個女超得意,等佢得意耐啲先喎!

雖然 Gigi母女相隔兩地,不過 Sofia望住電視機睇住媽咪表演都睇到入晒神㗎!

Gigi在農曆年期間當然係大派利是啦!

「春晚」當日, Gigi以一身黃色仙子 look登場,仲自彈自唱晒才藝。

北京中央電視台舉辦嘅《 2016猴年春節聯歡晚會》中, Gigi同林心如及劉濤同台演出,三位靚女鬥靚鬥才藝。

    tvb4life 發表在 痞客邦 留言(0) 人氣()