為新劇《致命復活》拍攝嗌交戲,兩人一埋位就嚟料,快靚正。

樂偵訊

你一句我一句 黃德斌萬綺雯火紅火綠

Ads by Google

52歲黃德斌效忠無綫 26年,頂盡做男二,直到近年小生走剩無幾,才有機會在《刀下留人》和《鐵馬戰車》嘗到男一滋味,劇集口碑收視更加雙贏,幫自己爭番啖氣!
新劇《致命復活》又孭正,黃德斌飾演傷殘人士,同對手萬綺雯在時鐘酒店外拍嗌交戲,兩個一埋位就嘈到火紅火綠,搞掂收貨,老手就係老手!

 


落場前做足功課
隨住當家小生陸續離巢,「佬味」濃郁的黃德斌,終於等到機會在大台擔正!
在劇集《致命復活》中再做男一的黃德斌,早前孖住防腐萬綺雯為劇集拍外景,二人在佐敦一間時鐘酒店外,拍攝一場嗌交戲,劇中飾演左腳截肢,全程要揸枴杖的他,和萬綺雯事前都做足功課,落到場,輕輕鬆鬆;等埋位,黃德斌不停講爛 gag,氹到萬綺雯係咁喪笑,但一埋位,你一句我一句,嗌到七情上面,一 take收貨!

劇中和萬綺雯合演夫婦的黃德斌是一名傷殘人士。

平日 cool爆的黃德斌當日不停講爛 gag搞氣氛,氹到萬綺雯笑唔停。

收工後,黃德斌一支公去附近大牌檔食麵。
內地拍劇被走數
被形容是遲了二十六年的男主角,黃德斌也曾灰心過,一度考慮全身北上。
「其實 Kenny(黃德斌)肯搏肯捱,不過性格比較內斂,又唔埋堆應酬,所以 miss咗好多機會!佢都五張二,層樓又仲供緊,返內地拍劇可以搵多啲錢。
「上年戚其義吹雞開《傳奇大亨》,都有預埋佢一份, Kenny連約都未簽好,就幫手埋位,點知阿戚同男主角磨合唔到,連累埋佢俾人叮走,連尾期都未收到!好在公司而家都俾好多機會佢, Kenny都話唔諗太多,只要有機會,就乜都試吓!」一名無綫人說。

去年黃德斌在劇集《刀下留人》初嘗男一滋味,劇集更被獲封「神劇」。

黃德斌同女友黃美思( Joyce)拍拖 14年,最近更被影到兩人神秘湊 B。

06年,黃德斌憑劇集《火舞黃沙》中飾演宋東陽一角奪得最佳男配角,演技早被認可。

去年黃德斌跟老死戚其義上橫店拍劇,可惜爛尾,仲搞到片酬都未收到。
撰文、攝影、攝錄:娛樂組

    tvb4life 發表在 痞客邦 留言(0) 人氣()