難得一齊放假,兩公婆大年初二合體到大埔安仔屋企拜年。

探熱針

Sammi陪安仔 返男家拜年派利是

Ads by Google

結婚兩年,依然唔認註咗冊的 Sammi和許安,農曆新年孖咇四出派利是;大年初二,兩公婆帶埋賀年禮品,專誠揸車入大埔,向男家親戚拜年。

 


初一女家初二男家
早排忙住出戰內地歌唱比賽《中國之星》的許志安,曾大呻定時定候要飛內地做錄影,冇時間陪老婆。農曆新年放假一星期,安仔專心做住家男,陪老婆四出辦年貨補番數。
屋企大家族,兄弟姊妹中排行第十最細的安仔,過年慣性逐家逐戶同阿哥家姐拜年;但婚後就老婆行先,大時大節,例必先陪 Sammi返外家。
「今個新年安仔放一個星期假,但初四就要飛去新加坡開工,仲要去足一個星期。佢同 Sammi兩邊屋企都係大家族,安仔有十兄弟姊妹, Sammi嗰邊都五個,所以初一到初三都四圍去拜年。年廿九佢哋返咗 Sammi屋企食團年飯,初一亦係先去同外父外母拜年,初二才輪到安仔嗰邊。」知情者說。

入到屋苑,有街坊認出 Sammi,上前搭訕。

素顏的 Sammi一見記者,即刻匿喺老公後面。

送咗 Sammi入屋苑後,安仔返轉頭派利是。
唔願素顏入鏡
大年初二當晚, Sammi同安仔揸車由港島區愛巢直駛大埔新峰花園屋企。泊低車後,安仔攞住三袋拜年禮物落車, Sammi亦幫手拎住一袋。
冇化妝的「十嫂」 Sammi聽到記者講「恭喜發財」,照樣唔理三七廿一,耷低頭 turbo腳衝入屋苑,避免素顏入鏡。
相反,天后夫安仔就笑到四萬咁口,護送老婆入內後,醒起自己做咗「老襯」要派利是,即刻行返轉頭,笑晒口向記者派利是,記者問他習慣派利是未?安仔即刻耍手擰頭:「開工利是啫!」

年初一, Sammi著到一身紅當蕩返外家拜年,仲落手幫媽咪煮餸。

廿四孝安仔婚後老婆行先,經常做柴可夫車外父外母四圍去。

安仔近月經常飛去上海,為內地歌唱比賽《中國之星》錄影,更曾為此大呻冇時間陪老婆。
撰文、攝影、攝錄:娛樂組

    tvb4life 發表在 痞客邦 留言(0) 人氣()