探熱針

踢走麻煩王秋紫 向佐繼續愛國貨

Ads by Google

向華強與太太陳嵐的兒子向佐,去年多得阿媽發功,幫兒子踢走麻煩西安女友王秋紫。雖然幾乎被對方搞到成身蟻,但向佐未驚過!繼續食國貨,早前又搭上另一個來自上海的國產女 Summer。

 


拜印度廟
黐住老豆向華強參演賀歲電影《賭城風雲 3》,龍五龍十五父子兵上陣,與周潤發、劉德華等巨星合作的向佐,自從與馬拉 Race甩拖後,轉口味愛國貨。日前,記者在銅鑼灣見到向佐坐住七人車經過,車內還有一名女子。七人車最終駛到跑馬地養和醫院旁邊的印度廟,向佐與女伴及保鑣一齊落車,著住件熒光黃衞衣的向佐特別搶眼,同行女子的打扮,更加國產味!一行人在印度廟逗留了十五分鐘,之後齊齊攞住隻香蕉離開。

去到跑馬地養和醫院, Summer由司機開門率先落車。

向佐一落車,就與 Summer平排行,然後與 Summer孖住行入廟。

逗留廟內十五分鐘左右,向佐及女友 Summer前後腳離開,兩人在內獲派一條香蕉。

搵個老實嘅
據了解,當日與向佐同行的女子叫 Summer,來自上海,二人拍拖數月,比起同是國產的前度西安王秋紫,及陀地富家女 CoCo,新歡明顯老成得多。
「同 Race再分手後,向佐去咗北京讀戲劇,嗰段時間佢識咗唔少內地朋友,之前個王秋紫都係嗰段時間識,但分手後個女仔話自己有咗,搞到滿城風雨,好彩向太醒目,知對方扮有咗搵着數,於是親自落手拆彈,加上向太喺國內都好有關係,王秋紫最終收手,而家連電話都改埋,冇晒聲氣。
「受過教訓,向佐聽阿媽話,搵女友都要搵個踏實啲斯斯文文嘅,而家個 Summer雖然有啲土味,不過唔會鬼五馬六,而且自己有嘢做,唔係游手好閒貪威識食嗰隻。」知情者說。

向佐是孝順仔,只要媽咪或老豆講一聲,他便會跟着做,不會 say no。

今年的一月中,向佐與 Summer行 IFC時已被傳媒拍下拍拖照。

與王秋紫拍拖期間,向佐搭上富家女 CoCo,可惜齊人之福享得不耐,便被王秋紫踢爆。

14年,向佐與王秋紫拍拖,二人表現恩愛,又曾被拍到向佐敷住面膜與她行商場,可惜最後因王秋紫當向佐是提款機而激嬲向太,加上王秋紫曾經結過婚,又自爆有 BB,另外又放料指向佐欠債一百萬,最後王秋紫被向太趕絕。
打出未來
學戲操大隻練功夫,向佐希望即使在父蔭下,也可以憑個人實力,在影壇佔一席位,自知演技有限公司的他,日操夜操,打出個未來。
「向太生仔知仔心肝,如果唔係佢都唔會擲三億開拍《 3D封神榜》啦,向佐做雷震子,有李連杰、黃曉明、 Angelababy、梁家輝等大星撐住,希望可以幫個仔開好個頭,雖然部戲押後到今年暑假先上,但而家有《賭城風雲 3》,拍住發哥嘅向佐喺入面好打得,有唔少人都留意到。」知情者說。

老豆向華強復出客串,重演「龍五」與劉華做對手戲。

在《賭城風雲 3》中,向佐被安排拍攝一場打架戲份,讓他一晒操到 fit爆的身手。

10年,向佐參演劇集《鐵馬尋橋》,飾演奸人榮萬鈞的他,有不錯的表現。
路路通
向佐口味闊,女友來自五湖四海,台灣幫應采兒、馬拉妹 Race、港女袁聖殷( CoCo)、國產王秋紫等等,唔知幾時衝出埋亞洲呢!


應采兒
01年,向太介紹同是台灣人的應采兒簽入中國星,即被當時叫向展平的向佐私有化,深得向太寵愛的應采兒,人前人後被稱「中國星新抱」,拍拖一年多,她便主動撇向佐。


陳逸寧
03年,向佐被拍得與《志明與春嬌》的「腿張開」陳逸寧,在銅鑼灣拖手行街,短暫開餐。


Race
黄婉佩( Race)樣靚有身材, 09年學日文時搭上向佐打得火熱,之後被爆原來是人妻, 05年曾嫁給一名新加坡富商,向太嬲爆公開要她搞清身份!想做小向太的 Race立即飛返新加坡搞離婚,同向佐拍拖多年, Race生活富泰,但因逼婚不成,二人 12年分手。年半後一度翻撻,但最終都玩完。


王秋紫
14年初,向佐到北京讀戲劇,其間撻着離過婚兼有一女的西安演員王秋紫,向佐為氹女友,曾送過百萬名錶。去年,女方向傳媒爆被搞大肚兼勒令分手,直指男方縮頭龜。


袁聖殷
分身有術的向佐,同時搭上周志文舊愛、有米𡃁模 CoCo,樂做中港通,最後 CoCo鍊贏王秋紫。
進化論
因為家世,向佐亦夠上進,由身形到外貌,一直努力進化,加上有野心闖一番事業,女仔最 buy。


年少無知
01年, 17歲仍叫向展平的向佐回港放暑假,涉嫌在 disco藏毒被捕,最後打得甩返英繼續留學,畢業才返港加入娛樂圈。


初出茅廬
03年 19歲,初出茅廬的向佐行 cat walk,外形粗獷。


拜師學武
05年向太安排向佐夥李連杰拍中國星投資的電影《霍元甲》,當時向佐勤力學武,更拜李連杰為師,自信咗靚仔咗!


樹根 body
近年向佐積極練功做運動,練就八嚿腹肌,又到北京讀戲劇學演技,愈來愈有爸爸向華強的大將氣度。
撰文、攝影、攝錄:娛樂組

    tvb4life 發表在 痞客邦 留言(0) 人氣()