me.jpg

Jade Leung
黑白色透視圖案企領上衣$6,699
黑色羊仔皮背心
黑色西褲(均未定價)
all Ann Demeulemeester
黑色 tank top stylist's own

cover face

Jade Leung 人妻再發威

Ads by Google

「人應勇於嘗試,有啲嘢試咗 no harm、冇損失,而你又有興趣,當然要試,唔敢試唔敢做,咁你咪咩都冇做過?」大無畏精神是留給積極的人, Mark嫂梁家玉( Jade)身兼人妻、三子之母、模特兒、主持,多重身份仍不斷嘗新,就算嫁人生仔多年,仍不甘平淡,頗有奮力一博的氣勢。 Jade自詡她就是愛煮、愛 sharing,「唔理係做幕前或者做咩,都要有一股熱誠」。再度發威活躍幕前,做自己鍾意做的,不計算結果,公私兩兼顧,頗有現代揚眉女子的豪氣瀟灑。
與坦蕩蕩的 Jade談工作、談家庭、談目標,平淡中有絢麗。

 

 

Profile
 
梁家玉 Jade Leung
出生日期: 1977年 7月 14日
出生地:香港
語言:廣東話、英語、普通話
簡歷:前 Elite模特兒,與前夫育有一子 Jean( 15歲),現留學英國。 07年 3月下嫁作曲家雷頌德,現育有兩子,大仔雷鳴 Jack( 8歲)及細仔雷響 Jazz( 5歲)。 2015年因其廚藝了得,被無線電視發掘主持烹飪訪談節目《閨密教煮》,加入主持人行列。
主要作品:電視《閨密教煮》( 15),《今日 VIP》( 15),《女皇的盛宴》( 14)。平面廣告《 TF Gym》( 05),《渣打銀行》( 04),《新世界中心》( 04),《維他綠茶》( 03)。

雷太私房菜
 

Jade Leung
黑色綴金屬圓牌掛頸露背連身裙$12,400
Versus Versace

由前模特兒、「雷頌德老婆」身份,搖身變成入屋明星,多得一個電視台飲食節目,多得一班老友記, Jade現在為人熟悉的形象是鏡頭前的巧手烹飪高手,兼談笑風生的主持人,出得廳堂入得廚房的女人是如何煉成的?「我好鍾意煮嘢食,同人分享煮食嘅樂趣。我自學鑽研了 5年,一向有拍煮食片鋪上網,微博粉絲時有留言讚我煮得好味,又問我攞食譜,因為小朋友同雷生又鍾意食嘢,我再去讀了一年西廚證書課程,繼而有咗鼓勵別人為心愛嘅人下廚嘅心。」

再創高峰
 
站得在幕前,被別人指手畫脚、論長道短是附帶條件,節目邊煮邊講,熱熱鬧鬧,伴隨着掌聲和負評,「無論你做咩,都會有人 buy有人唔 buy,不會只有一面倒嘅意見,我盡咗力,全無保留,很 enjoy我正在做嘅,整個節目溝通得好,合作得很開心。」同意!講煮食,食物本身才是 content,上網看過 Jade的教煮風格,不花巧有條不紊。
「所有食物和食譜全是我原創,跟住整,一定識;但主持講口才,我完全未做過,起初有啲緊張,幸好嘉賓全是朋友幫,當朋友聚頭就舒服好多。我控制唔到人哋嘅意見,但求問心無愧。」女人能活得清晰、不迷思,智慧和膽識已屬「姐」級,我大可代 Jade向「踩台」的人講句:「姐的大刺刺,你不懂欣賞。」女人還是要努力讓自己出色,懂得自信圓融的階段更美。

00年 十六年前當模特兒時的廣告照,一對長腿極索!

07年 這天是 7月 14日, Jade的生日,享受兩個人的晚餐。一眨眼九年,能遇上,太難得!

15年 有時倆口子難得在冷颼颼的夜晚,來一趟黑夜飛車,重溫拍拖,再凍也是暖。

16年 剛與 Mark、大仔 Jack和細仔 Jazz,一家四口往韓國度歲,樂也融融。

愛你愛的
 

Jade Leung
黑色 lace連身褲$23,500
黑色網紗裙$8,500
both Monique Lhuillier
from Harvey Nichols
閃石頸鏈 stylist's own

坊間一直覺得雷頌德( Mark)很愛家,未婚前,跟 Jade與前夫的小孩 Jean相處愉快,婚後,當年剛為人父的 Mark,為紀念兒子 Jack出生,曾送贈新曲《你生》給 Jade,雖然 Mark「大使」,曾有豪言:「我的興趣就是買衫、吃飯和買車」,但婚姻生活令他提升到另一層次,「佢以前出名鍾意買嘢、儲嘢,依家收斂好多,我以前唔明白,反而近年多咗工作後,加深咗對佢嘅理解,更能體諒對方嘅忙碌同辛苦,亦更 appreciate佢嘅付出。一齊揸吓電單車、陪小朋友食餐飯,睇吓戲咁,係咁多㗎喇。」 Jade說。滿目青山是平淡,茫茫大地是平淡,生活就是平淡,自在就是幸福,或者不自覺地呵護着對方,就是最親密的相處之道,「嘗試去鍾意對方有興趣嘅嘢,我倆都很 homey很自閉,大家都唔好飲酒,同樣愛電單車就更難得,有啲天生好夾嘅感覺。」

幸福自白
 

Jade Leung
黑色西裝外套$8,195
彩色印花喇叭褲$3,265
both Just Cavalli
Tube top stylist's own

時有見 Jade在網上公開對 Mark表衷情:「能找到這麼夾的人真不容易……很榮幸有你無時無刻和我一起做我們喜歡的東西, God bless!」或者恩愛形象突出,多了人請教夫妻相處之道:「不用刻意,亦唔係全然接受對方,人總有凹凸,佢喜歡打機,就一齊打,去明白佢喜歡嘅事,自然少爭拗。」
「就算唔鍾意嘅,唔使收埋,坦白啲講,不用估對方。我未遇過一個相處起嚟,可以咁坦蕩蕩嘅伴侶,佢太好,很愛錫我和小朋友,如果再有十世,我仍想嫁俾佢。」收到!如果愛他,接受他的現在,別幻想他可改變;有想法,就說出來;幾時都話女人的智慧,要有歲月才顯得豐富。

後記
 
Jade直言《閨密教煮》難再添食第二輯,哪裡有源源不絕的「閨密」? Jade會按步就班,發揮她的嘗新精神,完成了節目,下一步是出書和開工作室,「出一本個性鮮明、教法清晰,食譜易整嘅 cookbook;也會計劃開設 cooking studio同烹飪班。」她尤其鍾情西餐的擺設和烘焙糕餅,看着自己愛的人吃得津津有味,就是她愛煮的初衷。我嘆現在美食難尋,一顆魚蛋尚且可變成革命,不如玩 home-made,美食養心養靈,吃飽有力氣再去「運動」。

Shop List
 
Ann Demeulemeester 中環雪廠街 10號地下  2526 8250
Harvey Nichols 金鐘太古廣場 L1 130號鋪  3968 2668
I.T 中環雪廠街 10號地庫 B1號鋪  2147 5077
Just Cavalli 銅鑼灣名店坊 12-14號地下  2895 2038
Versus Versace 銅鑼灣名店坊 11及 25號地下  2392 1183
撰文: Judy Chu
形象:黃健華
攝影: Ray Siu
化妝: Kitson Yu@Porfolio
髮型: Moe Choi@Fifth Salon

    文章標籤

    Jade Leung 人妻再發威

    全站熱搜

    tvb4life 發表在 痞客邦 留言(0) 人氣()