鄭欣宜嚇到彈起

「由細到大, 肥 = 我」係鄭欣宜曾經喺面書撰寫嘅金句,東姑記得佢喺少女時期體重曾經高達二百三十五磅,最輕時就減到一百一十五磅,最後佢嘅結語:「請不要將自己快樂放在你的身形上。」真係字字到肉,句句精采,鬼妹仔嘅性格令到佢唔再拘泥喺肥、瘦嘅問題上,香港真係少有呢種藝人。

Ads by Google

日前,東姑參加咗一個餐廳嘅開幕,欣宜就係當日嘅剪綵嘉賓。一到場,欣宜就好興奮咁捉住東姑講佢呢一年嘅大計,「我啱啱開咗間曲奇餅店,三月就有新碟推出,嚟緊仲有電影拍,仲有一大堆大陸嘅登台添。」欣宜未講完,醒獅活動就開始,可能喺外國長大,好少見到呢啲場面,佢竟然畀隻獅嚇一嚇;而當隻獅向欣宜拋生菜時,佢仲被嚇到彈起添。東姑睇到佢咁鬼cute,都忍唔住笑咗出嚟。

喺外國長大嘅欣宜,好似冇乜見過舞獅場面,難怪畀隻獅嚇一嚇,即刻縮去門後。

當隻獅向欣宜拋生菜時,佢仲嚇到彈起添!

欣宜同「Smark B TV 」嘅小明星做開幕嘉賓,為咗唔畀一班可愛嘅小朋友搶鏡,佢就好醒目咁直竪姆指。

全站熱搜

tvb4life 發表在 痞客邦 留言(0) 人氣()