NG摑面戲6次 朱晨麗打郭晉安「巴巴有力」

TVB一線花旦紛紛離巢,一眾二線頭小花全部埋位爭上一線。小花朱晨麗日前同郭晉安在中環九號碼頭拍新劇,拍攝掌摑安仔戲份時七情上面出晒力,不過前後NG六次。

Ads by Google

日前晚上,朱晨麗(朱朱)一身OL 造型,同郭晉安在中環九號碼頭拍新劇《致命復活》外景,朱朱有如「14巴港女」上身,一巴、兩巴、三巴、四巴、五巴、六巴,出盡力向着安仔左邊面用力摑過去,絕對「巴巴有力」。安仔亦做足反應,擰側面加一臉「好痛呀」,不過連續NG六次,幸好只是借位。

拍完「動作」戲份,安仔收得工,而朱朱則換回波鞋繼續補近鏡shot。問到劇中角色,健談的朱朱透露劇情好曲折:「安仔同我家姐拍拖,但原來佢另有女朋友,我知道就約佢鬧佢,但之後我會好鍾意佢。」

因為劇情講述朱朱不滿姐姐被已有女友的安仔瞞騙而相約講數,其間忍唔住發火:「點解你有女朋友都要搞我家姐?」講時手指指再加咬牙切齒,離遠都 feel到火氣極猛。

先動口,繼而動手,朱朱「巴巴有力」摑落安仔左邊面,見到都覺得痛呀!

摑面戲份NG六次,摑到安仔都驚一驚。

幸好安仔拍攝當晚整夜都表現活潑,等埋位時忍唔住自轉跳舞,雖然舞步唔多,純粹左右手各自郁,都算有自娛定驚。

    全站熱搜

    tvb4life 發表在 痞客邦 留言(0) 人氣()