猜心羅生門

團拜現形記

Ads by Google

Iris（喜孜孜）：忙啊忙啊，係時候與舊同學搞團拜了。
Arke：姐姐你話忙，因為今年又是你家主場吧？團拜真像一個心理測驗，有沒有發覺，每位參與者扮演的角色都很貫徹？

Iris：即係咩意思？

Arke：你次次提供地方，當然反映你熱情好客、抵得諗，無私地付出的最大心力，尤其遷就晒咁多人談何容易；但也要留意，主場是一種領袖慾，適當時候要放放手，例如看誰家新屋正好入伙便應該讓一讓──同學之間隨着歲月長大了，心思會變得複雜的。

Iris： Amy每年嚷着來幫手，也很抵得諗……

Arke（笑）：結果呢？

Iris：唏，廚房咁細，又只是些簡單 party食品，怎會真勞煩到她？

Arke：這就是了，我並非說 Amy賣口乖，但不妨試試叫她留一留步幫手收拾，更體現出誠意。

Iris：團拜原意係慳番唔使逐一拜年和送來送去， Betty卻照樣向每人派禮物，而且必定自備美酒和珍貴食材來，堅持唔俾大家夾番錢──又是什麼心理？

Arke：基本上是慷慨啦，唔出力就出錢，但同時也破壞了遊戲規則，要小心別讓無預備者尷尬才好。

Iris：講開必然，近年 Cherry例必遲到早退，忙到只坐半粒鐘，不等開餐便走……

Arke：我倒不相信她真係咁貴人事忙，算分散投資吧，她想和你們保持關係，又不願多花時間。

Iris： Daisy更疏離了，總是 last minute先話嚟唔到。

Arke：你當初為遷就各人日期搞得一頭煙時， Daisy反而表現得最易話為是不是？因為她根本就點都唔會嚟，但又不想掃你們興，於是拖到最後一刻讓你們成了局才宣告。好在現在有 WhatsApp群組，由得她自說自話好了。舊同學聚會是一件微妙的事，有人認為咁耐唔見難能可貴，亦有人認為反正咁耐唔見已經冇共通話題。

Iris（嘆氣）：妹妹，其實我不喜歡你猜度我的朋友。

Arke：一年一次，為的就是要知道彼此近況，但所謂近況，除了聽，倒不如看看大家的心態反映着什麼，知己知彼，才是真正展望將來啊！

撰文： Iris& Arke
插圖：朱桂葉