草剪剛一向擅長演深沉角色,今次做更生人士,深不可測嘅表情做得最多。

電視精

冬季日劇推介 女人 30 VS男人 40

Ads by Google

2015年日劇界小回春,有幾套劇跑出, 2016年冬季日劇開鑼,電視台唔想有差池,起用好多有觀眾緣嘅實力派,穩穩陣陣希望可以維持氣勢。
睇吓主演陣容,無乜年輕演員,好多都係大家熟悉嘅面貌,有九十年代紅極一時嘅兩大女神廣末涼子同內田有紀;人氣有增無減嘅一姐綾瀨遙;因為解散傳聞而備受關注嘅 SMAP成員草弓剪剛同香取慎吾等等。
即使全部都年過三十,都總好過睇啲年輕嘅小生花旦,起碼有品質保證!

草彅剛 坐寃獄做心理學家

2016年過咗一個月,日本藝能界最轟動嘅新聞,必數天團 SMAP傳出解散嘅消息。隨着五子「被押上」直播節目向歌迷道歉,事件暫時告一段落,幾位成員繼續如常工作。其中草剪剛喺《 SPECIALIST》飾演犯罪心理專家,因為坐咗十年寃枉監,喺獄中同罪犯交流,特別了解犯罪心理。 2013年開始以單元劇播過四次,今年終於拍成連續劇,儲落一批捧場客,一開播仲成為今季收視冠軍!

香取慎吾 單身貴族被逼婚

另一個 SMAP成員香取慎吾,就同上野樹里演出《家族的形式》。男主角崇尚單身主義,女主角係失婚中女,被父母撮合姻緣,當中鬧出不少笑料。不過講婚姻嘅題材近年氾濫,幾乎無乜吸引力。







《家族的形式》飾演女主角好朋友嘅,係最近又傳同 BIGBANG隊長 G-Dragon復合嘅水原希子。 廣末涼子 幫內田有紀殺暴力夫

日本嘅家暴問題近年愈趨嚴重,好多日劇都有相關情節。今季有《直美與加奈子》,廣末涼子發現大學同學內田有紀一直被老公虐打,為咗救好友出困局,於是二人密謀完美犯罪計劃,究竟最後會否成功?廣末涼子同內田有紀都係九十年代嘅日劇女神,原來從未合作過,要到大家都變成中女先嚟合作,好彩兩位都 keep得好好,喺劇中大鬥演技,七、八十後日劇迷必睇!







兩位紅極一時嘅女神,際遇大不同。廣末涼子上年 7月第三次做媽媽,內田有紀十年前離婚後一直未有着落。 綾瀨遙 做複製人捐器官

改編自日裔英籍小說家石黑一雄嘅同名小說《別讓我走》,搵嚟出爐影后綾瀨遙相隔年半擔正演出,夥拍三浦春馬及水川麻美。聽到呢個俊男美女組合,最好就係拍愛情喜劇,啱晒綾瀨遙嘅傻大姐演技。點知係拍懸疑劇,講述佢哋係複製人,捐贈器官俾有錢人,雖然都有愛情線,不過係悲劇,被一致睇淡。







三浦春馬同綾瀨遙分別係新一代一哥一姐,不過從來未合作過,今次係首次合作,佢哋都大讚對方好戲。

撰文:關錦雯

 

tvb4life 發表在 痞客邦 留言(0) 人氣()