壹號幹線

抵食又好食! Toyota Sienta Hybrid

Ads by Google

最平的汽油(齋版) Sienta,唔使 21萬便有交易,單靠一台 1.5公升引擎,一樣坐足七個人,平均油耗亦只不過 20.2km/L,當「腳車」其實已抵用到爆。
咁你自然會問,點解要俾多幾萬蚊去買部混能版?話你知:混能版有齊所有汽油版優點,車價雖然更高,但真係極之慳油,揸落亦有唔同。日日開長途車的話,諗得過。

試駕的為高級版,想平?大可揀所謂的 Limited Edition,車價只需$248,920,但取消了 LED頭燈、霧燈、 16吋合金軨、 engine-start、 keyless-go、皮軚盤及波棍,兼夾冇埋最緊要的雙電趟門,講真:得不償失囉!

堅係慳

售價:$273,910
引擎: 1497c.c.,直 4;前置,前輪帶動;自然吸氣
馬力: 74匹/4800rpm
扭力: 11.3kgm/3600-4400rpm
馬達馬力/扭力: 61匹/17.2kgm
系統綜合輸出: 100匹
波箱:無段變速
長/闊/高: 4235mm/1695mm/1675mm
重量: 1380kg
耗油量: 27.2km/L(日本國土交通省測計模式)
查詢:皇冠汽車
網址: http://www.toyota.com.hk 

【讚一讚】多得油電「雙劍合璧」,起步明顯較汽油版爽快好多;座椅變化實用有諗頭,少少將就,坐足七個人。
【彈一彈】隔音水平一般,高轉、高速行車略帶騷擾性;多功能軚盤並不對應音量大小調校,離奇!



多得可油電齊發,起步時引擎不用催谷到高轉,冇乜明顯機器聲傳入,反應也會比汽油版爽快好多,亦較容易去到常用車速區域。操控方面,行公路唔覺飄來飄去,走山又唔會太「軟腳蟹」,自駕唔算好悶蛋,載人亦舒舒服服,算做交足功課了。



混能系統總輸出 100匹,講真馬力並非重點,不過可以熄車開冷氣,最緊要是平均油耗下調至 27.2km/L,即每公里少過 6毫子,日日都揸長途車的話,真係有可能賺番車價差額。



混能車從不設轉數錶,總之經常維持在中央 ECO位置便最慳油,另外中間屏幕可監察系統工作狀況,要揸得精明,敬請「常𥄫實」。



車身藍色飾件是混能版專用配備,清晰話俾人知「我架唔係普通 Sienta!」,代價$3,800,值唔值?見仁見智。



180度翻轉變成掛物勾,唔用時又唔會「阻定」,小聰明,大窩心設計是也。



因為要騰出通道 walk-through,所以只得駕駛席才有手枕;另外,原廠纖維布質地相當不俗,你嫌打理麻煩係都要整「土炮」真皮的話, OK,我唔反對囉!



地台離地距低( 330mm),趟門又好闊,上落真心輕鬆方便;中排座底設有滑軌,若後排不坐人,想腳位勁闊落,就當然「有咁後移咁後啦」。



平心而論,最後排空間真係算「有人性」成年人坐長途車都唔會有投訴,當然,先決條件是要中排移前少少,大家將就一下啦!



系統電池藏於車底,因此並無影響行李箱空間,而且每張後、中排座都可獨立翻摺,空間運用相當靈活,俾多個 like你!



相比起「同門兄弟」 Spade, Sienta車廂明顯「 upgrade一個 class」,至少壓皮紋膠料觀感上呃到人,門壁有些布板點綴,金屬修飾睇落亦似高級車感覺,以豐田車計,好大進步了。



某程度上,不設原裝 build-in音響反而是好事(方便日後升級),不過多功能軚盤竟不能控制音量大細,有冇搞錯!



從來沒有官方解釋話點解要用「救生衣橙」,好彩撞色效果都叫幾特別。至於實用性方面,周圍都係櫃桶同杯架,真心係有 heart設計嘅車。

撰文:廖宏俊
攝影、攝錄:方保山
mailto:features@nextdigital.com.hk

 

    文章標籤

    Toyota Sienta Hybrid

    全站熱搜

    tvb4life 發表在 痞客邦 留言(0) 人氣()