創業通

90後情侶喼神

Ads by Google

「 Barcode勤」的行李事件,令大家對行李喼及行李運送又長知識。近年各航空公司紛紛推出廉價機票,自問是旅行發燒友的你,一定想有一個漂亮搶眼的喼同遊吧,拎行李時都易認啲啦! 90後情侶 Winnie及 Ken,自中五起已做賣手袋小生意,幾年前洞悉廉航效應,大家對喼的需求有所增長,從而轉戰賣行李喼的市場,除了牌子多外,他們還比百貨公司的售價平 20%至 30%, 2人更熟讀各行李喼的特性及航空公司對行李的限制,不愧為新一代喼神!

位於旺角好望角大廈的「行李部」,店內約有 300個喼,超過 100種款式,一般分為 18吋至 30吋。老闆之一的 Winnie說:「𠵱家最好賣同最耐用係 Samsonite旗下品牌 American Tourister同 Delsey嘅喼,好多客人都話好用,我哋都用緊。」對於喼的大小、各輪子款式、質料、拉鏈或框扣式的設計,他們都瞭如指掌。
Winnie和 Ken於 13年開始賣喼,初初先成立網店, 14年才設實體鋪, Ken說:「嗰時留意到好多航空公司推出特價機票,身邊好多朋友去旅行,我哋就意識到大家對喼有一定需求。」他們坦言當時比較少人在網上賣喼,故競爭相對較低。他們一開始於內地廠直接入貨,更代理了 Beverly Hills Polo Club行李喼,「起步先代理香港細品牌,容易啲拎代理。」




因為想模仿百貨公司的格局,盡量多放喼作展示,他們試過了很多不同的擺位, Winnie說:「好似砌積木咁,要試好多次,睇吓點樣放最多喼而又唔會阻住客人行同睇貨。」


Ken主要負責拍攝行李箱的實物圖及市場營銷事項, Winnie則負責會計及行政事務。每入新款的喼,他們都會熟讀相關資料,「百貨公司嘅職員未必對唔同牌子嘅喼都熟悉,我哋喺呢方面有優勢,可以即時提供相關資訊,幫客人做對比。」


Winnie表示在經營網店時期,交收時並不會拉客人已訂的喼,全由他們抬及搬到交收地點,故她自言練出好力氣,「𠵱家幾大嘅喼我都拎得起!」 航空公司對喼有限制

他們的定價比百貨公司的行李喼專櫃平 20%至 30%,所以有不少客人光顧。此外, 2人對各款喼的資料都很熟悉,「要知道每個款式嘅物料、設計、特性,同埋唔同航空公司對各種喼嘅限制,例如廉航樂桃,對手提行李嘅體積限制會比其他航空公司大,件行李長闊高總和唔可以多過 115cm,所以我哋會問客人搭咩航空公司,提番佢哋;另外,搭國泰時,手提行李唔可以重過 10kg,我哋會建議客人揀輕身物料嘅喼。」
同是 23歲的 Ken與 Winnie,今年於城市大學公關系畢業,他倆相識於中一,中五開始拍拖。 Ken表示:「當時好多同學會做兼職,但發覺每個鐘頭得廿幾蚊好少,於是想試吓自己做生意。」因 Ken的家人於內地從事手袋廠房生意,故他們決定先嘗試在 Yahoo拍賣網賣手袋、書包及腰包,比較容易取貨。




American Tourister 20inch特價$799(原價$1,429)


American Tourister 25inch特價$899(原價$1,669)


Delsey 26inch特價$850(原價$1,250) 帶貨返學

Winnie笑說:「我哋要帶好多貨返學校,放學就去交收。」但有些客人會覺得他們年紀小,對貨品的信心不大,並質疑他們賣假貨,為了給與客人信心, 2人明白做事要更有系統,亦保證貨物有問題可以換貨,這些實戰經驗對他們日後開鋪做生意有很大影響。
自 13年轉戰賣喼市場後,因經營網店,他們待有訂單時才入貨。 Winnie表示:「貨到咗就放住喺各自屋企先,本身一兩個,之後愈做愈多單,每個星期 6至 7個喼,試過最高紀錄每人屋企放咗 15個,搞到屋企人有少少微言,我哋亦覺得有啲不勝負荷,覺得係時候開實體鋪。」




Delsey 24inch特價$1,699(原價$2,280)


American Tourister 29inch特價$659(原價$949)


Delsey 20inch特價$2,230(原價$2,980) 開實體鋪好冒險

14年 4月, Ken和 Winnie成立「行李部」,在旺角好景租了約 200呎的小鋪,月租$5,000, Ken說:「當初有諗過尖沙咀、銅鑼灣等旺區,但租太貴而放棄。其實我哋租呢個鋪都好冒險,租金要畀兩按一上,計過如果再下一個月賺唔到錢,就要收檔。我哋都有諗過,與其搞咁多嘢,不如專注讀書算,但好彩有家人支持,覺得就算蝕都會學到好多創業經驗,畀到好大動力同信心我哋。」
有了實體鋪後,他們想代理更多其他品牌的行李喼,讓客人有更多選擇, Winnie說:「其中 Samsonite係我哋用咗最耐時間去傾嘅代理品牌,用咗一年時間,我哋要 keep住 send email畀佢哋。佢哋公司有派人嚟睇,但覺得間鋪太細而唔想批,直至我哋 15年 7月搬咗大鋪,實用面積約有 8百呎,佢哋就願意同我哋合作,真係好開心!」 Samsonite讓他們代理其品牌旗下的 American Tourister, 2人為表誠意,更承諾每月會賣 5至 6萬貨。




Samsonite Luggage Cover$170


Polo Club Tsa lock$50


American Tourister Briefcase特價$275(原價$550) 品牌可退貨

代理品牌明顯地更有保障, Winnie表示:「 Delsey、 American Tourister嘅喼如果有問題都可以退貨,但以前喺大陸入貨,外殼崩咗或花咗,我哋就惟有自己用,冇得退。」在裝修上,他們會花心思參考百貨公司的賣喼專櫃,「本身想好似百貨公司一樣,一個櫃放幾個喼,但報過價好貴,放晒全部可能要二十幾萬。最後我哋上網參考,買咗層板叫師傅裝,盡量做到可以 show晒啲喼出嚟。」
他們現於 facebook、 ig及以 YouTube拍片宣傳,每月約賣 200至 300個行李喼,售價由$200至$2,000為不等,月賺約$50,000至$80,000,「以前客人多數係爸爸媽媽級,但呢兩年漸趨年輕化,以 18至 25歲嘅年輕人為主。」




每次他們入貨都十分大規模,「因為喼體積大,次次入貨都需要好多位擺貨,擺到成條走廊都係。」


Winnie和 Ken和時下年輕人一樣愛旅行,最近他們剛到吉隆坡旅遊。


最近,他們更於 YouTube設置視頻,拍片測試行李喼的性能, Ken說:「我哋會直接試啲轆嘅順暢程度,睇片易過睇文字。」

facebook@行李部
YouTube@行李部



Kayan(客人):
朋友介紹我嚟買喼,當時冇咩頭緒買咩牌子嘅喼好,佢哋就我嘅需要,推薦我用 Delsey,後來發現佢哋賣得平過商場鋪,對於做 model成日要出 trip嘅我嚟講,個喼真係好用同埋好推。

《開業成本》
租金(兩按一上):$60,000
器材:$300,000
裝修:$80,000

總投資:$440,000

《每月開支》
營業額:$190,000
租金:$20,000
人工:$20,000(2位老闆)
入貨及雜費:$100,000

盈利:$50,000

撰文:霍芷晴
攝影:崔百祥(部分圖片由被訪者提供)

    文章標籤

    創業通 90後情侶喼神

    全站熱搜

    tvb4life 發表在 痞客邦 留言(0) 人氣()