前夫攬新歡晒甜蜜 阿Yu攬女萬事足

被外界指責是「男人之恥」的周永恒,唔肯同趙頌茹(阿Yu)離婚,又話想復合之餘,但又公開攬新女,行為騎呢不堪。而母兼父職的阿Yu就未有因此而影響心情,日前接受《頭條日報》獨家訪問時,就表示積極面對人生,更笑笑口話:「今年我要再努力啲賺錢先得喇!」

Ads by Google

對於周永恒的言行舉動,阿Yu坦認有留意但就完全無放喺心,她語帶輕鬆:「坦白講,我係零感覺,完全冇觸動到任何情感,最難過嘅時候經已過咗,當睇娛樂新聞,都幾好笑!」一路講一路望住小朋友的Yu愈講愈開心:「眼見小朋友漸漸長大同改變覺得好快樂,我只想佢哋開心快樂咁成長,我呢排都有睇有關單親家庭嘅心理學書藉,希望囡囡不論身心都一樣咁健康。」

但她坦言獨力負擔每個月最少五萬的生活費真係好吃力,每個月只係僅僅夠用:「所以有時好攰,壓力係有嘅,好彩身邊有好朋友同埋信仰支持,只要囡囡開心我就開心,大時大節我會帶佢哋出去食好嘢開心吓。」阿Yu寧願自己慳啲去滿足小朋友要求﹕「講真我使得幾多錢吖?來來去去都係着嗰幾件衫,o依家要儲錢留畀佢哋,做人阿媽係要咁。」

 

對於周永恒的言行舉動,阿Yu坦認有留意但就完全無放喺心,更表示對周永恒已經零感覺。

周永恒懶理被指賤男,日前喺fb晒同新女友攬住瞓的甜蜜合照。

    全站熱搜

    tvb4life 發表在 痞客邦 留言(0) 人氣()