插圖:朱桂葉

猜心羅生門

獎品定獎金?

Ads by Google

Iris:妹妹,去辦年貨咯!
Arke(笑):你平時買唔得嗎?係都貪人逼去上倉?

Iris:唏,屋企拜年手信都要添置啩。

Arke:仲玩交換禮物遊戲啊,咁無謂浪費時間腳骨力啦。你又唔係人家肚裡的蛔蟲,點知人哋想要咩呢?你花一百元,通常只買到在對方心目中約值八十元、甚至更低啲嘢,而對方對你亦然──即係大家共消費二百元,頂多換回一百六十元的效益,為咩呢?

Iris(反駁):經濟效益?花少少錢卻同時享受饋贈的心思和收穫的驚喜,雙重得着,皆大歡喜,條數又點計先?

Arke:在聖誕和情人節還勉強說得通;但過年喎,來來去去不外糖果、海味、即食呢樣嗰樣,有什麼心思和驚喜可言?封大封啲利是仲實際啦,收到幾多是幾多,一蚊都唔浪費。

Iris(扁嘴):係啫,例如堂伯父、表姑媽他們,作為後輩好意思封利是給長輩嗎?

Arke:有咩所謂呢?正因為老人家,近身錢最重要。而且佢哋收到禮物又要「責」番禮俾你,等如累老人家破費;我建議你連利是封都唔使包,既方便又環保,直接俾銀紙,就不用「責」禮了。

Iris:我覺得這樣不合體面……

Arke:講體面?疏的親戚,你可能只買盒曲奇餅或果仁或鮑魚味麵條,其實可算寒酸了;反之同樣價值的現金對方更加受用。對於較親的家人,送海味和洋酒一二千都高處未算高,人家仲未必知道幾昂貴。有些長期病患者呢樣唔食得嗰樣又唔飲得,獨居老人亦冇心機煮大餐啦,盞令他們觸景傷情;反而折現一千又好、五百又好,就係人都知你有心啦。挖空心思結果可能吃力不討好的事,我唔想做。邊樣更體面,你話呢?

Iris:咁又係,市道不景,彼此財力應該花在刀口上。老人家最大開支是醫療費,體貼他們需要,才顯得真正節日溫情。

Arke: Exactly,唔通等全民退休保障咩?



《作者介紹》
Iris和 Arke是希臘神話裡一對孿生姊妹,托生今世成為本欄主持人,為大家解決情場和職場種種難辨錯對的羅生門事件。
Iris:善良正直的 OL,擅長心理測驗和分析。
Arke:敢愛敢恨的辣妹,擅長星座占卦。

 

    全站熱搜

    tvb4life 發表在 痞客邦 留言(0) 人氣()