阿根廷畫家 Antonio Segui香港擺展,四太同朋友專程去畫廊尋寶。

同你吟一吟

四太畫廊尋寶

Ads by Google

一般人搞投資,不外股票磚頭,若然錢多到使極都有嘅話,咁就大把選擇,好似古董珠寶藝術品,貴貴都有!
財雄勢大如大劉劉鑾雄,除咗專吼送俾甘比同呂麗君生嘅兩個女、粒粒都億計嘅罕有寶石外,大劉亦係收藏雪茄紅酒同畫嘅老手,至於賭王四太梁安琪,亦一樣!

有日《壹》仔就見到四太同個富貴閨密一齊,摸咗上中環雲咸街 Opera Gallery尋寶;兩個阿太由上而下,逐層慢慢睇,店員又攞住 MacBook, loop住介紹其他收藏。
其實四太此行主要係嚟 feel吓阿根廷著名畫家 Antonio Segui,筆下嘅 Mr. Gustavo系列作品;投資藝術品,有時好講心水眼緣,有啲嘢嗌到天價,都係買家志在必得所致。但照八珍估計,四太對呢位喜歡以卡通手法,諷刺社會嘅大師,應該冇乜興趣!




四太走出店外,離遠睇真啲。

 




招呼貴賓,店員茶嚟水到外,仲 loop住 MacBook俾兩位阿太睇辦。


猷亨半跑救車

四太長袖善舞,四房長子何猷亨喺老媽子力谷下, 23歲就做保良局總理,日前猷亨擺低架車喺中環都爹利街買外賣,之後半跑返轉頭攞車,趕得切冇俾警察抄牌,運高!






撰文:八珍

 

    文章標籤

    四太 畫廊 尋寶

    全站熱搜

    tvb4life 發表在 痞客邦 留言(0) 人氣()