陳山聰神明保佑

今年嘅馬拉松,天公不做美落滂沱大雨,所以搞到好多參賽者都臨陣退縮。至於娛圈馬拉松嘅常客,好似蔣志光、丁子高、徐濠縈,亦全部都冇晒蹤影,唔知關天氣事,抑或另有原因。不過,陳山聰就無懼困阻準時出發,仲要創造佳績,三個半鐘完成賽事,比較舊年快咗廿分鐘,恭喜晒!

Ads by Google

日前,東姑喺九龍城見到陳山聰,佢好匆忙咁走入一間泰國店舖,買咗一大袋「香花串」。據知呢啲「香花串」多數用喺還神儀式之上,估唔到「潮山聰」都相信泰國嘅神佛。唔通佢近排跑馬拉松創個人佳績,又一劇接一劇,皆因背後有神明嘅保佑?

為咗去買花,陳山聰竟然亂咁泊車,好彩冇差人叔叔經過啫。

日前,陳山聰現身九龍城,佢一泊低咗架車,就好匆忙咁走入一間泰國食品店。

東姑跟埋入去睇,估唔到「潮山聰」會買用嚟還神嘅「香花串」,一買仲買咗一袋添。

    全站熱搜

    tvb4life 發表在 痞客邦 留言(0) 人氣()