麥包嫌江美儀臭

近一年冇拍劇的江美儀,最近忙跟麥包(麥長青)、單立文綵排今個月底公演的舞台劇《羅生門》,三個人要飾演九個角色,的確是大挑戰!東姑日前到新光戲院探班,雖然唔齊腳,但見麥包舞把日本刀,都被動作指導執了成個鐘姿勢,好不認真。

Ads by Google

其後麥包跟江美儀排一場相遇戲份,席間女方要被麥包箍頸及抱起,轉頭她又要爬地死纏麥包,排足四、五次,既要記台詞及走位,少啲記性同氣力都唔得。排到悶悶哋,麥包在箍緊江美儀的時候突然玩爆肚,當住台前幕後同江美儀講:「咦,你咁臭嘅?」笑爆全場,連江美儀自己都笑到肚孿!

江美儀同麥包當晚排這個箍頸動作排足四、五次,麥包突然爆肚話江美儀臭,令氣氛即時輕鬆晒。

劇中江美儀對麥包又愛又恨,呢頭先抗拒對方,繼而反爬地死纏。

    全站熱搜

    tvb4life 發表在 痞客邦 留言(0) 人氣()