Samuel待「一口剩點心」的角色如親兒子一樣,看到他們由平面角色到實體化,實在感動,「希望有多啲人同我一樣鍾意佢哋,暫時身邊朋友最鍾意係燒賣、腸粉同埋鳳爪咕𠱸。」

創業通

趁年宵試水溫 一口剩點心 由平面變實體

Ads by Google

蝦餃、燒賣、叉燒包、糯米雞等充滿香港特色的點心,被創作成可愛 Q版的漫畫人物「一口剩點心」,相信大家一定感到很親切!現為小圓點漫畫有限公司創意總監兼漫畫家的 Samuel(賴兆波),於去年 9月開始在網上連載一口剩點心的漫畫,反應不錯,他決定趁年宵這時機,讓各點心跳出平面的框框,化成實體的公仔、咕𠱸、鎖匙扣,陪伴大家迎接新年。

Samuel的工作室內放滿了年宵產品的貨辦,此外,更有其他創作中漫畫的角色原形及參考書籍,可見平日用來創作的資料搜集絕不馬虎。「今次年宵會有公仔、紙巾套、鎖匙扣同埋 7款點心嘅咕𠱸,但有啲設計仲等緊廠商起辦。」
Samuel自小喜歡看動漫,更經常自己動筆畫不同的卡通人物,「我細個鍾意睇《老夫子》、《中華英雄》、《龍虎門》,動畫就鍾意睇《高立的未來世界》、《機動戰士》,當時已經立下志願做漫畫家。」 88年中三畢業後, Samuel曾做過製衣等雜工,但心裏仍放不下漫畫夢,慢慢靜待時機。「同年,鄺氐出版登報請漫畫助理,我即刻去應徵。」
在做助理的幾年間, Samuel學習了製作漫畫的每個工序,如畫背景、枱櫈、肌肉紋理陰影及對白框等,他更邊做邊報讀素描及水彩班,為自己打好根基。 97年,他加入浩一設計有限公司,由助理升為組長,再任職主編,學習配合編劇及製作漫畫書的細節,「之後又轉咗去其他公司做編輯工作,直至 03年,公司結業,自己當下覺得漫畫事業發展得唔理想,有啲失意,決定轉行做精品設計。」




燒賣公仔$158


燒賣咕𠱸$188「燒賣咕𠱸比燒賣公仔難整,因為佢個外型全個改變咗,所以 adjust過幾次先 ok。」


叉燒包咕𠱸$188 有投資者垂青

一直打工的他,於 13年創立產品設計公司,主要設計結婚禮品及插畫,「由插畫開始,又再慢慢做番漫畫創作。」 Samuel發現自己還是喜歡畫畫,想為本地漫畫出一分力,在一次客人的轉介下,讓他遇上另一個機會,「有投資者睇中我畫嘅插畫,覺得畫風唔錯,所以想一齊合作,佢哋想做本地漫畫創作同推出周邊商品,咁啱我兩方面都有相關經驗,於是喺 15年 7月就設立咗小圓點漫畫有限公司。」
Samuel着手創作全新的系列,他以廣東點心為創作主題,「燒賣、牛肉球、鳳爪係有香港特色嘅點心,香港人一定有親切感同共鳴,我喺上年 9月開設 facebook專頁,開始連載漫畫。」內容以搞笑和勵志為主,希望向讀者傳遞正能量,反應比預期好,開設 4個月已有 1,200人讚好。




牛肉球咕𠱸$188


鳳爪咕𠱸$188


腸粉咕𠱸$188 年宵試反應

Samuel笑說,隨着年代轉變,最大不同的是現已改用電影繪畫,真的十分便利,他設計了 7位角色,分別為燒賣、牛肉球、叉燒包、腸粉、鳳爪、蝦餃及糯米雞,「本身已經計劃出商品,適逢年宵,想趁機試吓水溫,可以測試吓邊一款產品同邊一個角色最受客人歡迎,睇下大家反應再決定日後生產類型同數量。」
年宵的商品主要為燒賣公仔、燒賣紙巾套、燒賣鎖匙扣及 7款點心咕𠱸。於製作上, Samuel表示咕𠱸的製作過程比製作立體感強的公仔繁複,「因為咕𠱸扁身,同埋令到某啲角色成個形狀變咗,好難 adjust;物料亦揀咗 2至 3次,好似間廠本身提議用半透明的物料做蝦餃層皮,但太硬身唔舒服,最後採用咗 fabric;另外,會遇到偏色嘅問題,牛肉球塊面由肉色變咗粉紅色,呢啲都要慢慢改。」




Samuel平日會定期於 facebook專頁上上載四格漫畫。他趁今年年宵,將角色實體化,試市場反應。


樣辦中少不免會有偏色問題, Samuel都會與同事開會商討,「糯米雞荷葉嘅顏色唔係好似,𠵱家偏藍,遲啲會改番做偏黃啲嘅綠色。」


Samuel設計了一式 8款的揮春作宣傳之用,「我會送啲畀朋友、公司同傳媒機構,上面仲有$20優惠券,希望吸引多啲客人年宵時嚟幫襯。」 估燒賣腸粉受歡迎

燒賣公仔共生 u了 300個,每個售$158;燒賣紙巾套生 u了 100個,每個售$88;燒賣鎖匙扣共生 u300個,每個$48; 7款點心咕𠱸總共生產 1,044個,每個售$188,「問過身邊朋友同埋同事,做過統計後,燒賣、腸粉同鳳爪造型咕𠱸比較受歡迎,所以入貨都入多啲,每款造咗 300個。」
一口剩點心的檔位於近天后出口第二行, Samuel表示近出口的人流應該不錯,「投攤用咗$18,000,前期宣傳方面,除咗用 facebook同 ig外,我仲印咗好多一口剩點心嘅揮春,派畀唔同公司、機構及朋友,上面有$20優惠劵,希望吸引到多啲人嚟買嘢。」




Samuel平日創作會做不少資料搜集,他的書架上滿佈香港、日本及歐美漫畫,更有不少工具書,可見其用心程度之高。


燒賣鎖匙扣$48


燒賣紙巾套$88

一口剩點心
facebook@一口剩點心 One Bited Dim Sum
維園 118號展位

年宵預計收入:
預計營業額:$ 284,520
租金:$18,000
人工:$8,000(4位員工)
入貨:$96,720
雜費:$5,962
器材:$960

盈利:$ 154,878

撰文:霍芷晴
攝影:陳子禮

 

    全站熱搜

    tvb4life 發表在 痞客邦 留言(0) 人氣()