情人節將至, John表示香水工作坊會很快爆滿,男學員比例亦會增加,他們調製香水用來送禮。

Jobs Live

自調香水 情人節最佳禮物

Ads by Google

合適的香水,能令女士提升魅力,以香水作為禮物更是不少男士的選擇,情人節將至,不想與別人的禮物重複,送上自己獨特的心意,不妨參加由 80後調香師 John舉辦的香水工作坊,調配出獨一無二的香水,送給你的另一半。

作為 Artisenses的調香師 John表示,製作香水的材料約有 2,500種,當中 3成是來自自然, 7成是人工製造。一支香水的構成包括頭香(top note)、中香(middle note)、尾香(base note)這 3個層次,指香水在揮發過程中,不同階段散發的味道。
「頭香係一噴就最快進入鼻腔嘅味道,柑桔、梅及草青味就係呢個系列;中香係前調揮發後嘅味道,一般比較平和,好似玫瑰、紫羅蘭等花香;底香係噴香水後半小時先開始散發嘅味道,好似麝香、檀香等味。香水工作坊就番呢 3種層次,教學員混合出屬於自己嘅香水。」




除了工作坊外, John亦有為婚禮擺香水吧,來賓可以即場挑選數種味道組合來調製香水,作為主人家的回禮。


小儀(前排左二)亦有參加 John(前排中)舉辦的香水工作坊,並將圖片放上 facebook,令工作坊增加人氣。 情人節多男客

每逢情人節,香水工作坊好受歡迎, John說:「平時嚟上堂嘅學員 9成係女仔,但臨近聖誕節及情人節開嘅班好快滿,會多咗男仔上嚟整香水做禮物。」 8人班每位$480, 4人或以下則每位$1,000,有興趣的人士可聯絡 John詢問上堂的時間。
John原在英國修讀中小企業管理, 05年回港後加入了一間製造化妝品專櫃公司做實驗員,令他對調配香水產生興趣,「啲櫃要用嚟放化妝品,所以要測試啲香水,對個櫃會唔會產生唔好嘅化學反應,做耐咗對香水有興趣,於是想入行做調香師。之後加入一間香水公司,由 sales做起,參加咗公司內部嘅 trainee計劃,成為評香師,至少要記到 200種香味,用咗 7年時間先成為調香師。」




工作坊上, John會提供約 20款香味及工具讓學員自由配搭出喜歡的香水。


香水分頭香(top note)、中香(middle note)、底香(base note),學員會由底香調配起,把香水滴在試紙上,用嗅覺挑選喜愛的香味。


選好香味後,把香水試紙在不同的距離試聞, John會從而定下不同香味的分量,「放得近即係你鍾意隻味濃啲,調配時比例上可落多啲;遠啲即想淡啲,可以落少啲。」


然後把選好的不同香水跟據比例滴入試管內,直至 30ml左右。


混合後,倒入香水瓶。


完成 小儀幫手宣傳

John在 14年創立 Artisenses,開設製作香水工作坊,「覺得好多人買香水都係買牌子,連聞緊咩味都唔知,想開班教人認識香水之餘,又可以教佢哋整支屬於自己嘅香水。最初喺 cafe租場開班,叫朋友嚟試玩,自己識阮小儀,佢嚟玩之後, post上網都令唔少人認識到我哋。」
本身不設零售服務,但於今年 2月, John會在旺角雅蘭中心地下擺 pop-up shop,為期 2個月,售賣自家製香水,每支售價由$99至$1,000,「想先試市場反應,如果受歡迎,就可以大規模生產。」



學員 Dora:
香水成日都用,但都係出面買,見到有香水工作坊就好奇嚟報讀,堂上知道咗好多有關香水嘅知識,最重要係可以親手整一支獨一無二嘅香水畀自己,好開心。

Artisenses
網址︰ http://www.artisenses.com 

撰文:曾志恒
攝影:劉宇軒(部分圖片由被訪者提供)

 

    tvb4life 發表在 痞客邦 留言(0) 人氣()