左起: Alven、 Queenie、 Alice、 Anthony Chung及 Samantha平日都喜歡文青打扮,今年年宵,他們售賣自家設計的小布袋及電腦袋,望能突圍而出。

U撈

年宵前哨戰 2 理大生設計 文青風小布袋

Ads by Google

文青風成為近年年輕人所推崇的大熱風格之一,去年曾一起參與年宵活動的一班理大學生,今年再接再厲,將不同的電影、小說意念及童年回憶,融入設計中,以簡潔的圖案呈現於小布袋及電腦袋上。今年,他們沿用去年的攤檔名稱「 Hello Stranger」,希望於年宵中分享他們設計的文青風小布袋,給與更多志同道合的陌生人認識。




每次開會都很熱鬧, Anthony Ng(右一)表示:「咁多個人一定有唔同意見,但我哋會以投票方式解決。」

採訪當日, Samantha、 Anthony Ng、 Mimi、 Alice、 David、 Esteli等約二十多人正開會討論各個貨辦的細節,每到投票表決的環節時,總是七嘴八舌的十分熱鬧! Anthony Ng笑說:「我哋大約有 50位股東,每次開會都好多人,好多意見。」
各成員來自不同的學系,相識於 Ocamp, Samantha表示:「前幾年開始, Ocamp識嘅人都會一齊搞年宵,我哋呢班人又幾啱玩,所以今年都想試吓。」因近年文青風格為年輕人所喜愛,所以他們以簡約又令人舒服的感覺為主題, Anthony Ng說:「袋夠實用,可塑性較高,好多圖案都可以印上去。」

年輕人愛用電腦袋


Samantha(左)、 Mimi(中)及 Anthony Ng會分配工作予其他組員,「大家多啲溝通,做好自己嗰 part就唔會嗌交。」

除了小布袋外,他們今年更首次嘗試製作電腦袋, Mimi表示:「上年我哋賣 tote bag同小布袋,但愈嚟愈多人喺年宵賣 tote bag,競爭都幾大,見大學生同年輕人都好鍾意用電腦袋,所以就試吓整埋,我哋設計嘅電腦袋仲可以當 clutch用。」他們找香港及內地廠商生產,在生產過程中亦改動了數次,「好似圖案 size太大、繡花位啲線唔靚、電腦袋又試過放唔落電腦,要溝通過幾次先解決到。」
他們各人都會提供不同的設計意念,然後以投票方式選出多人喜歡的一項,現各個設計主要以電影、小說及宣揚正面訊息為主題, Samantha說:「好似衣車圖案,有追夢、編織夢想嘅意思;選擇按鈕圖案就喻意人生如電影,所有決定同選擇都掌握喺自己手上;洗衣車標簽圖案,其實係引用五月天首〈洗衣機〉,感謝媽媽多年來『一直清洗着我闖的禍和污泥』。」

投到心水位置


Samantha會為大家拍照作宣傳照放上 facebook及 ig宣傳。

電腦袋及小布袋分別生產了 1,000個及 1,200個,每項有 3個款式,電腦袋每個售$108,小布袋則售$68。今次他們共合資 10萬,在投攤方面,他們投了近場內正中的位置, Mimi說:「位置同上年差唔多,近天后嗰邊,中間位置人流好好,多人揀行中間嗰行,我哋預用 2至 2.2萬投,點知今次大部分檔嘅價都偏低,我哋用咗$15,000就投到心水位置,真係好開心!」
他們主要透過 facebook、 ig及影相宣傳,目標能賺到$50,000「 Boutir app仲主動邀請我哋合作,佢會集合市集小店嘅資料,今次會有年宵版,我哋可以 upload我哋嘅相同資料上去,多一個途徑宣傳。」。



他們會以兒時 IQ題創作圖案,「 26個英文字母入面, ET走咗,仲淨幾多個?佢仲會帶埋 UFO走!我哋就會用呢啲 gag加埋 copy book layout,創作出圖案。」
練習簿小布袋$68



Samantha說:「細個作文一定作過我的志願,我哋其中一個設計係『我的志願是想做廢青』,意思係其實每個人都有唔同嘅故事。」
我的志願作文簿小布袋$68



「呢個個 logo太大,遲啲會整細啲,像真度高啲。」
洗衣標簽小布袋$68

Samantha表示這個圖案至少改動了兩至三次才滿意,「呢個衣車刺繡圖案,所需嘅工序比較多,喺白色線上面再車多一層黑色線做花紋,最初車得唔靚,改多幾次後就好啲。」




織夢衣車電腦袋$108


Private& Confidential電腦袋$108

Hello Stranger 維園 216號展位
facebook@維園年宵攤位 Hello Stranger

撰文:霍芷晴
攝影:傅新發

    全站熱搜

    tvb4life 發表在 痞客邦 留言(0) 人氣()