有 3隻兵種,比如基本型、加強防禦型、近身戰型。

A.C.G.U.

雷霆傘兵 vs生化喪屍

 

Ads by Google

男人唔係煩女人就係錢,沉迷娘娘會變觀音兵,玩《生化危機》系列最新作,就會變成為錢賣命嘅邪惡藥廠《 UMBRELLA CORPS》專屬「傘」兵!其實呢班友唔算最衰啦,起碼唔係打細路、蝦女人、做高官私人食蕉,頂多都幫 UMBRELLA執手尾毀「屍」滅跡,人工仲唔錯添!唔知有冇員工宿舍呢?

穿梭原作地圖

《 Bio Hazard UMBRELLA CORPS》係一隻 FPS特化版《 Bio》,解謎性未必及得上正傳,但武器類型、版圖都會針對多人 Co-Op模式強化。最近 CAPCOM仲公布一個叫「 The Experiment」嘅單人劇情模式,穿梭於《 Bio》各集數內出現過嘅舞台,挑戰各種高難度任務,比如《 Bio 4》的歐洲村落、《 Bio 5》中的 Tricell生代武器公司,喪屍會失控地出現、死完又翻生,點夠揪呀?( 2016年 5月推出)




The Experiment一共有 20版,靠呢個單人模式訓練技術先可以上網挑機。


潛入《 Bio 5》 Tricell公司,對付新發明的狗型喪屍,速度高仲會四圍跳。


班研究員已經變晒喪屍冇得救,仲談咩判呀,開槍啦!


仲認唔認得,冇錯就係《 Bio 4》內 Leo單挑過的喪屍村。 空軍 15號

雖然話 Iron man幾乎套套甲都識飛,但呢款 Mark 15外型係取材自隱形戰機,手腳線條特別扁平,好似機翼一樣,喺《 IM3》 42款裝甲內,外型可算最異類。片中佢出過一鏡,仲係要超有型的在半空合體,點知落地就被人爆散,但應該無損 fans想儲埋佢嘅熱情。$1,630( Secret base/ 3722 3988)




雖然戲中佢明明全新冇打過,但特別強調配色同「甩青」舊化上色,我又幾 buy。


後腿呢個機關真係好正斗。


隻手嘅設計令我想起一隻烏鴉,係咪好有空軍 feel呢!

撰文:鍾世傑

 

    全站熱搜

    tvb4life 發表在 痞客邦 留言(0) 人氣()