A.C.G.U.

極上重製

Ads by Google

《人中之龍》系列推出 10年,計埋外傳已超過 10款作品,黑道 style加上多年來喪用
AV性感女星做宣傳,成功打造獨門風格,已經係 SEGA神檯級食糊作。
10年後今日,製作人在 PS4上二度 remake首部曲,仲搵到「黑暗林志玲」
波多野結衣聲演酒吧女知客,大批 fans話買「硬」!
結衣上星期仲同兩位製作人來港,跟爆機達一齊見香港 fans。
當日達哥當住百幾個 fans面前獨佔波多野玩 selfie,就算當日係香港史上最寒冷嘅一日,成個埸熱到沸騰,我感受到殺意!



《人中之龍•極》
平台: PS4
廠商: SEGA
類型:動作
人數: 1人
中文版遊戲:$378
PS4特別主機 set:$3,280

玩人龍玩到盡

《人中之龍》故事係講黑道堂島組一位有名望、受氣中嘅中級頭目桐生一馬(人稱堂島之龍),同喺跟孤兒院一齊大的錦山彰稱兄道弟,仲溝埋同一條女。點知轉頭就發生錯手殺大佬、頂包、入獄事件…… 10年後出冊唔單只世界變,原來真相係被好兄弟出賣,再來一場「我冇做大佬好耐」嘅人在江湖、迫住要打《英雄本色》劇情。而《極》係 PS4專用超高清重製版,仲會加上一啲過去因容量問題刪走,以及為《極》全新創作的劇情,最有趣莫過於反過來喺一馬入冊後,扮演錦山彰,睇睇佢點樣出賣兄弟、建立自己字頭。




戰鬥方法分為 Chinpira爛仔、 Rush快攻、 Kowashiya破壞者,仲有需要不斷跟宿敵真島吾郎對戰先拎得番嘅最強「堂島之龍 style」!


當你將對手打到頭暈眼花時,《極》改良版可以使用「超 Style之極」去 finish對手,可以扣勁多血。


新玩法「邊度都有真島」,呢位最強對手會不時跳出來跟一馬試招,戰鬥中「堂島之龍 style」將一步步回復到一馬當打之年咁猛,見到真島便戰吧!


錦山彰好冇義氣,仲衰過大哥成。 爆機達好想瘋狂攻略波多野

當日爆機達係負責攻略夜店小遊戲,試溝由波多野結衣聲演的新角色 Yui,揀中 Yui最滿意嘅對答、送禮、請飲嘢,慢慢就可以同囡囡打破隔膜去街街,所以條友一路玩一路就叫波多野通水教佢揀對白。
講起就嬲嬲豬,爆機達你好地地上台試 game就算啦,玩完仲要波多野同你合照 Selfie,咁識食正一偽毒!(本來呀,仲有瑠川莉娜同佢一齊玩遊戲添,只係臨出發前受傷先嚟唔到,唔係我仲嬲呀!)




偽毒可恥


吳業坤當日都有去後台搵波多野拎簽名 game,又食好西,又一件偽毒。

夜店 mode就係追女仔遊戲,搵話題後再按對方性格揀對白,賺錢送禮又唔係貴就好。波多野教落,原來佢唔喜歡客人持住開咗貴價酒後就毛手毛腳,攻略佢時揀合適價錢嘅酒,多飲幾 round仲易賺取好感度。







高清重建神宿町

呢款黑道動作遊戲另一大特色就係取材自歌舞伎町嘅 3D舞台神室町,仲同大量品牌合作,將好多名店如實重現在遊戲內,比如香港人一定去, 24小時經營的激安之殿堂。當然唔少得各式機鋪、飯店,一馬哥可以在其中自由行動、黑店尋開心、四圍打架,小任務小遊戲玩到唔想爆機。




新宿區各大真實企業都跟《極》合作,你會見到大部份建築物跟真的新宿冇分別。喂呢度咪好鬼多香港人嘅激安之殿堂?


故事內新宿化名神宿,但一睇就知呢度係歌舞伎町。


吹口琴、焗蛋撻、麻雀、啤牌,各種小遊戲真係玩到樂不思蜀。


《極》入面仲有個《昆蟲女王》小遊戲,可以將囡囡變成妖精收集卡,當《寵物小精靈》來一場妖精打架。 《人中之龍六》北野武亂入

除了畫面更靚呢類例牌改良,喺短片內能夠見到故事會返到去神室町,老咗嘅一馬打扮反而潮咗,名越監製表示新作主題係「自由」,一馬能夠做到爬、跳、跨等動作,開拓地圖上更多地方。佢仲話 6係用全新引擎,由行動至戰鬥之間將唔會有延遲或者撈 data情況,一嚟就打。
問到新版神室町會唔會重新製作得更有真實感,記者仲打趣問:「會唔會加中國遊客入去?」兩位監製竟然面對面笑笑口,表示真係要搞搞佢,不過先決條件係加入去嘅路人都要令遊戲變得更有趣。最後提到由ビートたけし(即北野武)擔演的新人物有乜來頭,又會唔會加中國黑幫,兩位監製都話係超級秘密,唔會爆住,大家 1月 28日記得下載玩玩啦!
(順帶一提今次《極》中文版係跟日本同日發售,監製話係多得亞洲用家支持《人龍~0》中文版,先可以 fight到同步,所以未來 PS4再出《人龍》系列,真係要支持番中文版。)




究竟北野武會做咩角色呢?


新片見到加咗唔少戰鬥、行動動作。





估唔到第一個放落預告片嘅場景係便利店。




當日名越稔洋先生(右)同製作人佐藤大輔先生(左)一齊來港見 fans,記者好奇究竟「人龍 team」係咪個個都着到咁型返工?估唔到名越先生又肯答我,話原來佢自己職位高而且代表遊戲作品形象,所以打扮能比較隨心,但佐藤氏返工時都係好正式著西裝打晒領帶嘅上班族。

撰文:鍾世傑
攝影:傅新發

 

    全站熱搜

    tvb4life 發表在 痞客邦 留言(0) 人氣()