左起:阿璣(組織傳播 Year 4)Billy(媒體藝術 Year 4)Ricky(電影專業 Year 3)阿烱(媒體藝術 Year 4)

Webber

網片踏腳石 合伙人

 

Ads by Google

是咁的,自從大台網絡紅人真人 show出街後,大批網民噓聲四起,指責一班網絡人掛羊頭賣狗肉,拍網片其實係為咗入大台。今期 Webber主角,係來自浸會大學傳理系嘅 4個後生仔,佢哋擺明車馬借拍片做 portfolio,搵機會做舊媒體,網片只係踏腳石!咁老實嘅 YouTuber你有冇見過?我見過、我真係見過!

webber's info:合伙人
YouTube:合伙人
訂閱人數:約 2,221
fb:合伙人
Likes:約 3,105

大學老師唔識 YouTube

時代不同,見工模式都不同,從前就係應徵者拎住一份寫滿字嘅 CV去敲門,求老細俾份工自己;家陣就係老細喺網上面見到你嘅片,敲你門求你做佢份工。雖然學校冇提供實習機會都冇有怕,四子自求出路,奈何,大學老師依然守舊,不知 YouTube為何物, Ricky:「電影啲老師好固執,咩都要拍得好靚,不屑 YouTube,所以我都費時同佢哋講。」阿烱:「佢哋知我有拍 YouTube,仲讚我拍得幾好。」 Billy:「我科啲老師後生啲又 in啲,直頭講得返我哋片嘅 terms同好 enjoy睇。」




四子話人們現在睇 fb多過上 YouTube搵片睇,所以喺佢哋 fb專頁嘅片多 views過 YouTube,呢條抽水作〈輸家 baby〉 fb view數過 10萬,唔好以為低質冇人睇。


仲癲到真係同 FFx同台,條片雖然得 10秒,但已經有 7千幾人睇過! 拍 YouTube幫搵工


合伙人最好笑嘅系列必定係〈成語合伙廊〉,假設成語變成真實嘅情況,每條都唔過 1分鐘,呢條〈險過剃頭〉,笑到碌地!

四子不諱言將來希望投身傳統媒體,阿璣想做 DJ:「有人話電台係夕陽工業,但我就希望從新媒體學到嘅嘢,改革電台!」阿烱就想做廣告:「拍 YouTube令我發現度橋好有趣,廣告啱我。」主修電影嘅 Ricky就話想做 Social media:「覺得機會多,速度快,唔似電影要搞好耐。」而 Billy直頭跳哂軌:「我會做 game。」四子目標清晰,直言透過 YouTube為自己帶來工作機會,阿璣:「 YouTube其實好關傳理事,好年青人,出面好多公司都好離地,唔知點樣 touch班𡃁仔。」 Billy:「𠵱家又有好多公關災難呢,正因我哋有 run個 fb專頁,成為我哋見工時可以提及到嘅經驗,唔係一張白紙。」

一定拍得好過其他 YouTuber


合伙人今次就拍咗條好適合後生仔拜年睇嘅〈 80分鐘拜年直播〉預告片,想睇快啲下載《 FACEPop》 app喇!記者妹好想睇哂全片!

合伙人四子雖同為傳理系,但主修科目各不相同,咁 friend係因為一齊做傳理電台,阿璣:「我哋 4個都鍾意睇 YouTube,除咗睇仲會討論、研究,多數一齊鬧啲片唔好睇,成日都話『比著我哋實唔會咁拍』,最終就付諸實行!」四子更誇下海口話自己一定可以拍到好笑、靚包裝、能帶出訊息,又多人睇嘅片。不過,都冇諗過全職拍 YouTube, Billy:「我哋唔似一啲打機 YouTuber,每日出 2條片,打機講吓自己嘢,然後有班粉絲。以量取勝,我哋唔係。」阿璣:「我哋想做 BOMBA,有橋就拍。」

撰文:陳可兒
攝影:陳子禮

    文章標籤

    Webber 網片踏腳石 合伙人

    全站熱搜

    tvb4life 發表在 痞客邦 留言(0) 人氣()