全知言

笑住過肥年 新年想睇邊套戲?

Ads by Google

新年除咗逗利是之外,去戲院揀番套賀歲片,入場笑下都係唔錯娛樂,其實今年賀歲片陣容都唔差,好似有星爺周星馳執導嘅《美人魚》、天王郭富城嘅《西遊記之孫悟空三打白骨精》,仲有卡通《恐龍大時代》,睇晒佢啦不如!

吳千語: recall《家有囍事》


網上圖片

今年嘅賀歲片,我梗係會揀《家有囍事》啦!因為年年我嘅回憶裡面都係睇住喜劇長大,新年最緊要開心同有正能量,所以一定會揀一部睇完會笑住出去戲院嘅!今次《家有囍事》加長版,都會同一啲以前嘅同學、可能中學同學一齊去睇, recall我哋嘅童年回憶!

劉浩龍:最撐發哥

今年賀歲片,我最期待當然係登登登……四隻手指嘅《賭城風雲 III》!點解咁 interesting呢套戲呢?因為有賭神發哥,仲有刀仔同佢一齊喎!咁我覺得呢個畫面已經係期待已久,值回票價!所以我點都會入去睇呢套戲㗎啦!仲有張家輝呀……







網上圖片 陳嘉桓:經典星爺

我會好想睇《美人魚》!因為自己以前每逢新年,電視都會播星爺嘅電影,咁今年佢終於有賀歲片再推出,所以一定會去睇嘅!因為好期待佢有啲咩經典對白再出現喇!







泳兒:卡通高質

今年比較特別啲,想睇一套卡通片,就係《恐龍大時代》!因為覺得最近卡通片質素愈來愈高,同埋一睇卡通片就會諗番以前童年嘅一啲回憶,亦都係有笑有淚嘅!







JW:想睇城城

應該就係《西遊記》啦!因為我聽好多新聞講郭富城成個 make-up process係好辛苦!咁我由細到大又會去睇《西遊記》喎!所以我好興奮,想快啲去睇呢套!







洪卓立:《美人魚》最期待

今年賀歲片,最想睇或者最期待嘅係《美人魚》,雖然唔知講咩,但係單憑周星馳先生呢個名已經好值得期待,所以係《美人魚》㗎啦!







最想睇星爺

Kaela:
我揀周星馳嘅《美人魚》,因為睇開佢嘅戲!每次佢有戲出都會去睇,套套都會睇,仲會翻睇!



子健:
揀《家有囍事》!因為都有反映番香港嘅社會,都有歸屬感囉!唔似《西遊記》大陸片,睇完都覺得都係嗰啲啦!白骨精係人都睇過喇!



阿寶:
會揀《家有囍事》!王晶嗰套《賭城風雲 III》就唔睇啦!望落吸引唔係好大,你要我揀嘅情願揀番套以前睇過嘅戲,同埋做嚟做去都係嗰幾套!



Cindy:
我想睇《美人魚》!因為《美人魚》係周星馳㗎嘛!賀歲片都係搞笑,周星馳嘅都應該幾搞笑,之前睇過佢嘅預告片都幾 ok!



Crystal:
周星馳嗰套《美人魚》!之前睇過周星馳啲戲都幾搞笑,都幾期待新出嗰啲戲!

街坊:王晶《賭城風雲 III》就唔睇啦!
星爺個名響噹噹,一班街坊首選都係離唔開佢執導嘅《美人魚》,不過有市民就直指王晶套《賭城風雲 III》唔吸引啦!

即時報料 facepop
熱線: 9222 0828
電郵: mailto:facenews@nextmedia.com
facebook: Face Magazine inbox
line、 we chat id: facemagazine

 

    全站熱搜

    tvb4life 發表在 痞客邦 留言(0) 人氣()