喺 Jagroop眼中,印度同香港嘅共通點係搭鐵路交通一樣咁迫,「印度搭火車迫到坐車頂,香港搭港鐵迫到郁唔到,一樣咁多人。」

U花 U草

唔怕做地盤佬 混血仔 Singh Jagroop最愛鑽窿

Ads by Google

Singh Jagroop
Upper Iowa University(Hong Kong Campus)
市場學 Yr.4
facebook: Jagroop Singh
instagram: jagrooper

「地盤佬」一般感覺都係粗魯、爛口,曾經去見工話自己做電工學徒嘅中印混血兒 Jagroop就試過有不快經歷。現年 25歲嘅 Jagroop係土生土長嘅混血兒,媽媽係印度人,爸爸則是做建築生意嘅香港人。「有次去見工,個女人一聽見我話做過電工學徒就即刻用奇怪眼光望我,又話我都唔似嗰種人。我覺得做咩工都好,自己開心就得,唔需要標籤人。我都唔會期望自己將來係咩大老闆,話唔定我將來做的士司機,只要自己開心,唔使捱餓做咩工都可以!」




Jagroop曾經在美國留學,成日同朋友踩滑板,仲試過玩到左手骨折。







咪以為 Jagroop呢類靚仔一定成日去玩去 clubbing,其實佢最鍾意去爸爸嘅建築公司。大電鑽、電鋸,各種重型機器都係 Jagroop眼中嘅玩具,「拎個大鎚仔揼吓嘢都好開心,一係拎個電鑽鑽窿,聽啲聲就咩壓力都冇晒。有時拎住啲機器成日,放工會攰到手機都拎唔到。雖然係辛苦,不過好玩,做嘢之餘又可以減壓。加上可以見到爸爸認真做嘢,佢睇圖度位嘅手法好純熟,有關電嘅嘢佢都識,爸爸係我偶像,所以我好鍾意去爸爸公司。」




有兩個哥哥嘅 Jagroop(右下),對上一次返印度已經係六歲,「我好鍾意印度,一來我鍾意食辣,二來印度女仔好靚!」


相比 clubbing, Jagroop(右)更加鍾意行山,喺美國嗰陣,佢就成日同朋友上山,係大自然愛好者。

撰文:葉浩婷
攝影:范仲良
形象及化妝: Kika Wong
鳴謝:山脈流川

    文章標籤

    Singh Jagroop

    全站熱搜

    tvb4life 發表在 痞客邦 留言(0) 人氣()