有了去年的經驗,(左起)昕、 Chiu、 Vicky及 Yellow對於各個項目都很淡定,「如果賣唔晒,我哋會喺 ig度繼續清貨。上年都有好多人過咗年宵先注意到我哋有賣文具咕𠱸,所以唔太擔心賣唔晒。」昕本為理大生,之後到澳洲升學,趁假期回港搞年宵。

U撈

年宵前哨戰 小華製樂 賣童年回憶咕

Ads by Google

臨近歲晚,又是一眾熱血年輕男女籌辦年宵的摶殺期! Vicky、 Chiu、 Yellow及昕 4位女生同是理大物華堂的宿生,去年於年宵中幫忙,今年與一眾同伴擔大旗做主力,設計出以肝油丸及薄荷軟膏為藍本的咕𠱸及小飾袋,希望可以開開心心於畢業前留下美好回憶,在新年前賺一筆零用錢,過個肥年!

每年年宵,都是年輕人展現創意的好時機, Vicky、 Chiu、 Yellow及昕同屬理大物華堂的宿生,今年的年宵檔攤名為「小華製樂」,希望為大家製造歡樂。她們設計了肝油丸及薄荷軟膏造型的咕𠱸及小飾袋,充滿童年回憶,令人一見難忘。 Vicky表示:「兩款小飾袋都好適合小朋友用,拜年用嚟崵利是就最啱!」
今年物華堂的團隊約有 20人,她們 4人去年亦有參與以宿舍名義參加的年宵攤檔, Yellow表示:「上年主力幫手叫賣,覺得好開心,所以今年想落手落腳參與多啲。」上年物華堂以大大文具造型咕𠱸打出名堂,她們今年亦不遜去年,以香港人熟悉的牌子作二次創作, Chiu說:「肝油丸同薄荷軟膏為港人所熟悉,一睇就有共鳴感,於是我哋重新畫過,改為『香港加油丸』及『 mehdoujoy』造型




香港加油丸咕𠱸每個$168/兩個$288


mehdoujoy咕𠱸每個$168/兩個$288


香港加油丸小飾袋$88


mehdoujoy小飾袋$88 咕𠱸銷量好


為了積極備戰,她們常常開會檢討流程, Vicky表示:「我哋會影啲宣傳相,放上 facebook同 ig,等啲人睇吓我哋嘅 product,先留下印象。」

因去年咕𠱸大賣,所以她們決定再次推出有關產品,昕表示:「以往咕𠱸銷量唔錯,啱晒一家大細同情侶,但我哋覺得有啲悶,所以今年試下推出埋小飾袋。」有關製作小飾袋的物料,她們討論了很久,「廠商建議我哋用兩種 PU料,一種似皮,一種似尼龍,我哋本身想統一用一種,但『 mehdoujoy』用皮靚啲,『香港加油丸』用尼龍似本身鐵罐包裝,最後採用呢個方案。」
Vicky笑說這年親手處理各種事務比去年辛苦,尤其與廠商溝通的一環,「搵廠同佢哋溝通好花時間,草圖要跟得好足,一開始因為畫得唔清楚,佢哋又睇錯咗,『香港加油丸』本身係橢圓柱體,結果第一次打版造咗圓柱體,大咗 1倍,成張櫈咁!」咕𠱸共生產了 1,000個,每款 500個,每個定價$168;小飾袋則共生產了 500個,每款各 250個,每個定價$88。

攤位位置未如理想


正所謂三個女仔一個墟,她們四個加埋便十分熱鬧,找場地拍照時,也說個不停。

這年,她們投得維園年宵近銅鑼灣那邊第二行的位置,「本身諗住近天后, budget用 2至 3萬,但投攤嗰日晏晝,啲價突然跌到好低,我哋就諗住投咗先,於是用$18,000投到𠵱家 96號檔。雖然位置未如理想,但慳咗啲錢可以用喺籌備方面。」她們多人共投資了 12萬,目標於年宵賺得 2萬以上。

物華堂 維園 96展位

facebook@香港理工大學物華堂年宵攤位-理大物華
instagram@joy4everyone

撰文:霍芷晴
攝影:陳子禮

 

    tvb4life 發表在 痞客邦 留言(0) 人氣()