蔡一傑 三七面至型

四十八歲嘅蔡一傑(傑仔)係一位型男,就不容置疑,早年一直有傳佢同張耀揚有密切嘅來往,兩人又不時互訪對方嘅住所,兼且畀人影到撐枱腳,關係撲朔迷離。之但係,一四年張耀揚北上攬女,自此佢哋就冇再被發現一齊。有傳,傑仔因為呢件事而終日借酒澆愁添。

Ads by Google

不過,東姑睇到傑仔近排嘅生活,又變番多姿多采,就知道佢冇晒事啦!照舊鍾意群埋啲猛男堆玩嘅佢,出嚟食飯、飲酒時毫無架子,成日同啲朋友攬頭攬頸影合照。東姑仲發現一樣嘢,傑仔同啲港女有一個共通點,合照時經常擺個三七面出嚟。其實,傑仔橫睇掂睇都咁型仔,唔使為咗就鏡頭而坐到斜晒吖。

早前,蔡一傑搵咗台灣男神王大陸嚟香港拍MV,之後仲一齊去唱K聯誼添。

放喺社交網啲相,蔡一傑明顯做咗美圖,令到啲皮膚滑到好似啱啱剝殼嘅蛋。

    全站熱搜

    tvb4life 發表在 痞客邦 留言(0) 人氣()