登機證

豪食滑雪郵輪 新春 6大避年推介

Ads by Google

放假梗係想外遊玩吓,農曆新年呢段期間淨跟紅日放都可以去個三、五日短 trip,如果跟紅日放,請多兩、三日假就可以放足十日,咁多時間梗係去個長 trip好啦!冬天就當然不能錯過睇雪,日、韓固然係好,想另類啲,可以去睇北歐極光或者 hea少少去遊輪假期,都唔錯呀!

北海道 5天《優閒之旅》

好多人鍾意冬天去北海道,可以睇吓雪景泡吓溫泉都幾寫意,這個北海道五天團就安排了一系列輕鬆行程。選乘國泰或香港航空直航慳時間,如加$2,400可 upgrade至香港航空商務客位,都幾抵。入住和風溫泉酒店,又會到 Kiroro滑雪場、參觀海洋公園等等。遊山玩水之餘手痕想 shopping,亦可以到 Outlet Park行吓,適合貪玩又鍾意購物的情侶。

北海道 5天團( HOK05-MZD)
價錢:$9,599起
行程: Kiroro滑雪場、 Marine Park海洋公園、白之戀人朱古力趣致城、北廣島三井 Outlet Park等
出發日期: 2月 2, 4(年廿六)至 11(初四), 15(初八), 19及 21日
查詢電話: 2108 8888(康泰)

韓國 5天《雪地體驗》

一家大細出動,梗係去首爾,可以又食又玩兼 shopping先可以應付到全家需求。這個時候去韓國又點能夠唔玩滑雪,除咗包裝備去 Vivald Park滑雪場玩,仲會坐破冰船遊丹陽忠州湖,跟手又可以去果園摘生果、暢玩樂天世界;行程亦為女士們安排到明洞掃貨,聽落好充實,仲老少咸宜。

韓國 5天團( KSGI05)
價錢:$7,549起
行程:洪川大明維瓦爾第滑雪場、忠州湖破冰船之旅、溫泉水世界、 3D立體美術館、樂天世界等。
出發日期:即日至 3月 9日
查詢電話: 8200 2299(美麗華)

東京自由行《即有房間機位》

去旅行最煩的是要 check機位酒店,尤其是在大時大節,要 confirm到 booking先可以安排行程,你話如果想即興去玩吓,會幾冇癮呢!想去日本又驚要等,推介呢個 Block-seat套票,預留日航機位,仲可以揀位於池袋或新宿嘅酒店,而且講明係連續四晚同一酒店,真係勁方便。想快閃遊日飲飲食食,諗得過。

東京 Block-seat 5天自由行
價錢:$10,070起
行程:自由行
酒店:池袋 Hotel Metropolitan Tokyo/新宿 Sun Members Toyko Shinjuku/ Keio Plaza Hotel Tokyo等。
出發日期: 2月 7日(年廿九)或 2月 8日(年初一)
查詢電話: 3429 1288(日航天地)

新加坡 4天《歎米芝蓮美饌》

以為新加坡好悶,這個想法太過時啦!家陣新加坡多了不少潮爆蒲點,亦開設了不少國際級食府,這個團就以食作招徠,安排一系列平時好難 booking,又享負盛名的米芝蓮級餐廳、名菜:新加坡總理迎接習近平夫婦,位於植物園內的西餐廳 Corner House、文華酒店最出名的海南雞飯,以及在聖淘沙 resort歎米芝蓮大廚 Joel Robuchon主理的法國菜,聽完都流晒口水啦!

新加坡 4天團( AMSIN04E)
價錢:$15,688起
行程: RWS Joel Robuchon法國菜、文華酒店 Chatter Box及植物園內的 Corner House餐廳等。
酒店: The St. Regis Singapore、聖淘沙 W Hotel等。
出發日期: 2月 10日(年初三)
查詢電話: 2928 8882(永安)

澳洲、新西蘭《郵輪 hea假期》

想遠遊,但唔喜歡計劃,純粹想睇吓靚景,食得好又住得好,上郵輪玩就最啱啦!這個團先由香港飛到悉尼上船,一玩就是十四天,由塔斯曼海到奧克蘭、陶朗加、威靈頓,最後由峽灣國家公園返悉尼,尤以名勝哈比人村同塔隆加動物園的自然景色最具特色。身為勞碌的香港人,有時好需要去親親壯麗的大自然,讓自己放空抖一抖。

澳洲、新西蘭 14天之旅( HCPASA14-A/S/E)
價錢:$36,999起
行程:公主郵輪 Princess Cruise、哈比人村、新西蘭峽灣國家公園、塔隆加動物園 Taronga Zoo等。
出發日期: 2月 3日(年廿五)
查詢電話: 3692 0888(東瀛遊)

北歐 10天團《玩盡四國》

假如可以放長假,當然衝出亞洲,而這個時候,最適合去睇一生人總要睇一次的極光之旅,若去開芬蘭,又點少得鄰近北歐三國呢,這個團絕對能滿足大家的貪心念頭。先去哥本哈根玩一輪,坐郵輪到挪威再走訪瑞典,最後到芬蘭去聖誕老人村,住玻璃圓頂酒店,好彩的話可以睇住北極光瞓。黃金檔期花四萬幾遊盡北歐四國,都算抵玩。



北歐 10天團( 16B0207BNCF)
價錢:$41,998起
行程:三寶號( Sampo)破冰船、羅凡尼米聖誕老人村、追蹤北極光之旅及住宿玻璃圓頂客房等。
出發日期: 2月 7日(年廿九)
查詢電話: 3180 9966( Jetour)

撰文:蘇韻詩
相片提供:《蘋果日報》、 Imagine your Korea

 

    tvb4life 發表在 痞客邦 留言(0) 人氣()