壹科林

劇迷必裝 Netflix 醒揀月費追美劇

Ads by Google

對於鍾意追美劇的讀者來說,應該都幾興奮,因為美國的 Netflix正式登陸香港,一個月費可以睇到不少最新美劇,毋須左搵右搵,極具吸引力。
不過,不同月費計劃有什麼不同?揀邊個先最抵?點睇先最醒?有什麼配備要買先睇得最開心?一次過話你知。

首月免費

其實無論你追開美劇還是荷李活電影都好,現時只要登記 Netflix,已經可以首月免費任睇,睇完覺得不合適先 cut都得。而在進行登記時,已經先要揀定月費計畫,應該點揀?就要視乎你會同時用幾多部機睇,以及需求的畫質而定。三個月費計劃中,最抵玩就是標準月費計劃,因為就算同時有家人想睇另一部電影或劇集,都可以同時在兩部機登入,又支援 1080p畫質,靈活性更高。
至於高級月費計劃又值不值得用?首先除非你一定要同時四個裝置登入(例如自己、老婆、外家、父母等)先有用,其次如果單純以睇 4K為目的,就一定要配埋 4K電視睇先睇得出效果,如果長期只用平板或手機睇,除了畫質無太大分別之外,屋企上網更必須使用 500MB以上寬頻睇先會暢順,可以話一闊三大。







雖然現時首月免費任睇,但一樣要先登記信用卡資料。


在設定賬戶時,用家須選擇最少三套最喜歡的電視劇或電影,方便系統幫你揀選最適合你睇的片種。 平板配機頂盒

前面都提過,標準月費計畫可提供兩個裝置同時登入,應該點用先最好?最好方案當然是一部平板加一個電視機頂盒最好,平板可以拎出街睇或俾另一半睇,而機頂盒就可以安在家中享受高質素大畫面,就算同一時間開兩部機睇都無衝突。至於不想多裝一個 Android機頂盒,其實不少智能電視已支援 Netflix app,其中包括 Sony新推出的電視,由二○一二年推出至今的電視型號都用得,睇劇更加方便。




電視、電腦、手機及平板都有支援方案,想在任何一個裝置上睇都無問題。


除了中、英文字幕之外,都有好多不同語言選擇。 電腦睇又點?

除了電視、手機同平板之外, Netflix亦可透過電腦瀏覽器觀看,使用的方式同 YouTube近似,不過系統會自動判斷所使用的瀏覽器,而對影像質素作出調校,例如使用 Microsoft IE、 Edge、 Safari觀看,最高支援 1080p,但如果使用 Chrome、 Firefox觀看,就最多只能播放 720p的影像,而且所有瀏覽器都未能支援 4K影像,如果要睇高質素影片,就要留意。




登入後差不多有超過五十套美劇及電影任你揀,其中包括最新的《夜魔俠》電視版, Marvel迷必睇。


除了美劇同電影之外,仲有兒童專區,有現時最 hit的 Peppa Pig,都算合格。 煲韓日劇必備

Netflix雖然多劇睇,但都以美劇為主,日劇同韓劇可以話零。要睇,惟有另搵渠道,其實現時亦有不少追韓劇或日劇的免費 app可以用。

主打日韓《 Viu》
主打韓國播放後 8小時,香港就有得睇,而且仲有齊繁體字幕,應該能滿足到不少劇迷。雖然現時相比其他睇片 app仍算是初哥,不過都有五、六十套不同日韓劇睇。而除了連續劇之外,亦有熱門的韓國綜藝節目,種類都幾多。
支援平台: iOS/ Android






數量夠多《 LeTV》
新劇固然重要,但不時重溫出名的韓、日劇都是不少人的習慣。而講到劇集的數目, LeTV都算多,包括不少經典劇集,放假可連續幾日重溫。唯一缺點是有不少劇集都只得簡體字幕。
支援平台: iOS/ Android






撰文:蘆甘
mailto:features@nextdigital.com.hk

 

    tvb4life 發表在 痞客邦 留言(0) 人氣()