李彩華 愈傻愈富貴?

唔經唔覺,李彩華已經喺娛圈打滾咗十三年,由寂寂無名被追債逾百萬,到兩度同經理人公司解約,最後終於喺內地憑一部電視劇《回家的誘惑》爆紅!佢嘅身價亦隨之而暴漲,由原本三萬人仔一集飆升至三十萬人仔;加上投資有道,佢現時手持嘅四個物業市值逾五千萬港幣,堪稱娛圈小富婆。

Ads by Google

做得小富婆,冇番一兩件名牌上身點似樣?日前,東姑飛上海時,咁啱前面坐咗位靚女,既戴墨鏡又孭Chanel包包,梗係要望多兩眼。睇真啲,原來係李彩華,兩個半鐘嘅機程,佢由上機瞓到落機,連飛機餐都懶得食。東姑仲發現佢落機前先至check自己有冇帶回鄉證,之後佢一直拉住個價值四千幾嘅RIMOWA喼,傻更更咁行出機場,莫非愈傻愈富貴?

喺大陸搵到盤滿缽滿嘅李彩華,近日出席朋友嘅生日會心情大靚,似乎有新戀情。

一落機,李彩華就急步離開,似乎好趕咁噃。

文章標籤

全站熱搜

tvb4life 發表在 痞客邦 留言(0) 人氣()