「負皮王」慶幸有兄弟鼓勵 梁烈唯最多謝阿Bob

被網友封為「負皮王」的梁烈唯因出位惹火的言論,經常引起網友惡意批評或指罵,但他依然以平常心面對,並感激身邊好友多年來的鼓勵。

Ads by Google

由林盛斌(Bob)、王梓軒(Jonathan)、陳國峰(Penny)、范振鋒(Ricky)及梁烈唯(唯唯)組成的「兄弟幫」已超越一千五百集,五位成員除主持清談節目外,仲會衝出香港以「兄弟幫」名義做埋旅遊特輯,眼見節目邁向第六年,剛完成talk show的阿Bob忽發其想:「或者可以伸延做巡迴show、遊戲版兄弟幫、甚至拍埋電視劇同電影。」語畢,眾兄弟異口同聲:「咁我哋就靠哂娛樂大亨阿Bob同阿范(范振鋒)投資喇。」

被指為「負皮王」的唯唯有感而發:「人愈大,家人、身邊朋友就愈少,真係要好好去珍惜呢份友情,緣份有時都幾微妙,我從來冇諗過同Jonathan做到朋友,因為我哋好似係兩個世界嘅人,一個咁乖,我咁曳!不過識到佢哋我好開心,喺我失意嘅時候佢哋會借個膊頭畀我用,甚至一個眼神或者拍拍我膊頭就get到哂。不過最感動係阿Bob嘅舉動,雖然佢係第一個喺鏡頭前取笑我嘅人,但點忙,夜晚都會抽持間嚟我屋企搵我,佢真係好錫我。」

「兄弟幫」播映超越一千五百集,陳國峰、范振鋒、林盛斌、梁烈唯及王梓軒(左至右)一起切餅慶祝。

「兄弟幫」更由錄影廠出走到外國主持旅遊節目,發展相當好,難怪五子還有更多目標。

因說話太直又招積,得罪網民的唯唯被封「負皮王」。但唯唯依然以平常心面對,並感激身邊好友多年來的鼓勵。

唯唯最感動的是,阿Bob好錫自己,夜晚都會抽持間到他屋企。

    全站熱搜

    tvb4life 發表在 痞客邦 留言(0) 人氣()