左起: June、 Mike、 Felix及 Sylvia兩對夫婦相識於教會,於兩年前構思開一間理想的優閒 cafe,如今做得稍有成績,讓他們很雀躍。

創業通

小巷開西日料理 cafe 賣優閒情懷

Ads by Google

香港人生活節奏急促,有時連喘一喘氣的時間也沒有,想找一個歇息地更是難上加難。 Felix、 Sylvia、 Mike及 June兩對夫婦,以日式及西式的料理,配以簡約的裝修,於紅磡小巷中開設一間優閒自在的 cafe,希望為各繁忙的都市人創造一些放鬆心情的時光,吸引區內街坊及上班一族來光顧。

Cook King Cooking以賣日式及西式料理為主,位於紅磡祟志街,在食街(祟潔街)後面,鄰近多間車房及五金鋪,雖地點不算便利,但每日中午時間卻客似雲來,日日爆場,門外亦大排長龍,即使採訪當日正值雨天,客人亦駱驛不絕!
老闆乃兩對夫婦,今年 35歲的 Felix本為酒店廚師、 31歲的 Sylvia是化妝師、 45歲 Mike則從事汽車美容、 36歲的 June是家庭主婦,大家是教會朋友。 Felix表示:「平時喺教會舉行嘅大食會同其他活動,我都會幫手整嘢食,兩年前有次大家傾開,原來我哋 4個都對飲食業好有興趣,就開始諗創業。」由於這個簡單的原因,成為他們創業的契機。
因 Felix對日式及西式菜有研究,所以大家最先着手找合適的鋪位, Mike說:「我哋打算行優閒舒適路線,想搵一個比較清靜嘅地點,可以畀客人傾偈歎吓咖啡。最初有考慮過北角電氣道,但租金實在太貴, 3、 4百呎鋪位,月租要 7至 8萬。最後搵咗紅磡崇志街呢個約 400呎嘅鋪,月租約$20,000。」

主動出擊 sell街坊

Cook King Cooking於去年 8月正式開業,但店鋪不在食肆集中點的食街(祟潔街)內,難免會擔心人流較少, Sylvia說:「頭一兩星期都試過晚市好靜,但之後我哋落力啲出鋪外主動同街坊介紹吓,又喺 openrice、 facebook及 ig出多啲 post,慢慢多咗寫字樓客及家庭客過嚟食嘢。」
開業後,他們發現在小巷經營食肆也有優點,「呢頭冇其他 cafe,加上崇志街近年多咗幾間食肆,聚到一班食客,又唔會有食街咁大競爭,我哋同周圍嘅食店 friend咗,大家好似同伴咁。」




店中設有 28個座位,每天午市時段都會爆場, Sylvia及 Felix都忙得不可開交,「今日落雨唔使排隊,平日喺出面排晒長龍。」


Felix有約 16年當廚師的經驗,在廚房工作時功架十足。


Felix會親自到街市挑選時令蔬菜及海鮮,如春夏適合吃苗類,冬天適合吃番薯,晚市則可選擇海鮮等,「成日去隔離鋪買菜,已經同啲阿姐好熟,平時買食材都好方便。」 健康餐牌

Felix對食物很有要求,餐牌皆由他負責設計,「我會以健康為大前提,少油、少糖、少鹽。除咗自己調配醬汁外,亦會採用多種蔬菜,客人一個餐入面可以食到粟米、沙律菜、牛油菜及紫椰菜等。」
經過反覆試菜後, Felix才確立現時的餐牌,「我有試整咖啡豬手、啤酒炸雞翼同日式咖喱,好多客人向我哋反映唔食牛,於是我就日式咖喱再研究,試下用雞同豬整唔整到個味,但最後都失敗,要用番牛肉,但為咗平衡大家需求,我哋推出多啲雞及豬嘅料理。」




左起: Mike、 Felix、 Sylvia及 June各人專注已分配好的工作,所以很少發生爭執,閒時亦會就客人的意見,改善餐牌及菜單的設計。


Cook King Cooking位於崇志街,門面亮麗搶眼,近年多了 2、 3間食肆進駐,吸引不少客人光顧。


古法燒羊架配香煎魚扒伴牛油焗番薯$118 過隔離鋪買菜

對 Felix來說,最困難的地方是找食材供應商,雖然他曾在酒店工作,認識不少供應商,但他們大多只接大客生意,「之前有機水耕菜嘅供應商,好多時有貨都會畀咗大集團先,有時唔夠數量畀我哋,供應好唔穩定。我哋用咗成兩個月時間,先搵到穩定嘅貨源。」幸好店鋪旁還有菜檔,離紅磡街市也不遠,令 Felix可即時補貨及買到新鮮的食材。
不少客人都很喜歡店中清簡舒適的裝潢,令他們有在外國渡假的感覺, Mike負責店面的裝修設計,「為咗營造優閒感覺,我哋專登用咗原木枱及白磚,天花亦由原本嘅黑色改為灰色,光猛乾淨清新啲。」




森巴醬大蝦炒意粉$105Felix不時會親自調配特別的自家醬汁,這惹味的森巴醬汁帶有微辣,大蝦中亦以此醬釀製,十分美味!


南蠻風脆炸雞配牛油焗番薯$60不少客人對 Cook King Cooking的炸雞情有獨鍾, Felix表示:「我哋唔係用植物牛油,採用真牛油,令個焗番薯嘅牛油香味出啲。」


玫瑰焦糖咖啡$34他們提供多款咖啡,大部分都使用鮮奶沖調,更顯滑身。 互相信任冇衝突

他們每個範疇的分工都很仔細, Felix負責食物、 Sylvia負責宣傳、 Mike負責設計、 June負責財政, Sylvia說:「我哋互相都好信任,冇咩大衝突。最多都係討論吓新年休息幾多日、幾時開鋪?最後我哋問吓其他食店嘅意見做參考。」
Cook King Cooking平日午市以 20至 40歲的寫字樓客為主,晚市則以 30至 50歲的家庭客佔多數,「午市成日爆場同排隊,晚市都會 full,但未有排隊情況。我哋仲設有私房菜服務,客人可以 3日前訂定,我哋會為佢哋設計餐牌,起碼 4至 6人分量。」
開業 4個月,由頭一個月未能收支平衡到現時月賺約$20,000,生意額穩步上揚,並儲了一班熟客, Felix說:「希望生意愈嚟愈好,開到分店就最好啦!」




比利時自然發酵水果手工啤酒 Wittekerke Rose$68Cook King Cooking晚市會供應手工啤酒, Sylvia表示:「相比起咖啡,客人喺夜晚會鍾意飲啤酒多啲,我哋同外國手工啤酒嘅品牌合作,有啲玫瑰味濃酒精度低的,會適合女仔飲。」


熱朱古力咖啡$30


白蘭地奶凍配荔枝雪糕每杯$48 

Melissa(客人)(左)、 Charlotte(客人):
我哋喺附近返工,有次午飯時經過,俾門面嘅鮮艷顏色吸引。每次啲咖啡都有拉花,真係好有心思。我哋已經嚟過幾次,啲嘢食好好食!

開業成本:
租金(兩按一上):$69,000
器材:$310,000
雜項:$91,000
裝修:$580,000

總投資:$1,050,000

每月開支:
營業額:$240,000
租金:$23,000
人工:$95,000(4位員工, 2位全職老闆, 2位兼職老闆)
入貨及雜費:$100,000

盈利:$22,000

facebook@Cook King Cooking
地址:紅磡崇志街 20-30號明華閣 C鋪

撰文:霍芷晴
攝影:傳新發

 

    tvb4life 發表在 痞客邦 留言(0) 人氣()