品牌名為「 The Kitchenette」即是小廚房的意思, Heidi(中)表示:「我哋 3個都鍾意煮嘢食,希望遲啲有足夠資本,可以喺工廈租個單位,除咗當門市售賣產品之餘,仲可以開烹飪班,教大家用我哋嘅醬料造唔同菜色,擁有我哋嘅私家小廚房。」

U撈

3個女生賣醬料

Ads by Google

現今都市人生活忙碌,愈來愈少在家開火煮食,簡易的美食烹調方法深受歡迎。分別就讀理工及公大的 Candice、 Heidi及 Kitman因受外國 YouTuber「 food in jar」的啟發,將自家製的醬料、曲奇餅放進瓶中,製成瓶中美食,並成立「 The Kitchenette」,在 facebook及 ig出售,吸引學生及 OL支持。

(由左至右)
Candice( 22歲)
香港理工大學專業進修學院 市場學系 Yr.4
Heidi( 22歲)
香港理工大學專業進修學院 市場學系 Yr.4
Kitman( 22歲)
香港公開大學 英文及教育學系 Yr.4

常說香港女生不愛入廚,「 The Kitchenette」的 3位女孩偏偏享受入廚樂趣, Heidi表示:「我哋主要售賣醬料,有抹茶醬、喇沙醬及兩種意粉醬,可以用嚟煮意粉或者搽麵包。另外,我哋仲有推出自家製曲奇及 cookie mix,後者齊晒整曲奇嘅材料,畀客人買返屋企整,加牛油一焗就有曲奇食。」
15年 9月, 3人成立了「 The Kitchenette」,在 ig售賣以瓶子包裝的醬料及曲奇,價格由$38至$78不等,月售約 60瓶,月入約$4,000, Kitman表示:「客人以學生及 OL為主,佢哋買醬料通常用嚟看門口,加啲醬煮 10分鐘,就有意粉食;亦有 OL買曲奇做散水餅,佢哋覺得樽裝設計得體啲。」




8歲便開始跟爸爸入廚房的 Candice,入廚經驗相當豐富,「有時家姐邀請十幾個朋友嚟屋企開 party,食物都係由我一手準備,煮十幾個餸招呼朋友。」


現時飲食流行少糖減甜, Candice在製作抹茶醬時亦選用低糖配方,「 OL都驚肥,少啲糖可以令佢哋食得冇咁大罪疚感。」抹茶醬$78( 160g) 參考外國 YouTuber

Candice的爸爸是廚師,自小受爸爸的薰陶,令她對烹飪也有點心得,「 15年初,我見到有人喺 ig賣煮好嘅意粉,好驚訝年輕人會喺 ig買熟食,我就開始諗喺 ig賣特別嘅食品,賣醬料特別啲都唔錯。後來, Kitman見外國 YouTuber教人造瓶中食品,提議我哋參考『 food in jar』嘅概念,整瓶中美食。」
為籌辦網店, 3人開始搜羅瓶子, Heidi表示:「我哋喺淘寶搵到形狀及質素都滿意嘅玻璃樽,因為我哋嘅食品冇落乾燥或防腐劑,所以個蓋要封得夠實,醬料及曲奇就可以 keep得耐啲,醬料放入雪櫃可存放 2星期,曲奇就約 1星期。玻璃樽嘅成本比膠盒貴 5、 6倍,而且好重,我哋只要一次過訂定 4、 5打,賣家就會免運費送貨。」




年輕人下廚追求方便, Heidi因而設計了樽裝 cookie mix,「樽內已有齊整白朱古力紅莓曲奇嘅材料,大家返屋企只需加牛油及水,搓勻放入焗爐,就有自家製曲奇餅食,非常方便。」白朱古力紅莓 cookie mix$68


喇沙醬是「 The Kitchenette」推出的新產品,加入椰汁與雞湯即可食用。喇沙醬$58( 160g) 嚴謹製作

近日,社會關注網上出售食品的安全, Candice對產品質素非常嚴謹,「為咗保持醬料新鮮,我喺交收前一日先去街市買材料造醬,煮好醬時會趁熱封蓋,有抽真空嘅效果,更加保鮮。我亦會提醒客人喺食用前,先將醬料加熱,自然食得更放心。」
Kitman對產品同樣有要求,「剛剛過咗嘅聖誕節,有客人同我訂咗 20樽曲奇。我喺交收前一日開始整,但可能嗰日天氣太凍,牛油溶唔開,搓唔到皮,焗出嚟嘅曲奇唔脆,我造到凌晨 3點,都完成唔到 200塊曲奇。即使客人話我造好幾多,佢要幾多,但我覺得質素唔理想,最後冇賣界客人,只好向佢道歉。」
今年, 3人皆踏入大專生涯的最後一年,畢業前會繼續經營「 The Kitchenette」, Heidi表示:「如果 keep住有穩定嘅銷售額,我哋都想喺搵到正職後繼續當副業經營。最近有公司嘅 PR聯絡我哋,想訂 50個醬料做活動上嘅紀念品,希望以後接到更多有規模嘅訂單。」




如果家中沒有焗爐,可以買「 The Kitchenette」的現成曲奇,可存放一星期。白朱古力紅莓曲奇$38( S)/$68( L)


每件熊仔曲奇都手抱一粒果仁,造型非常可愛, Kitman表示:「當時想設計一款曲奇專畀客人作送禮之用,最後諗到熊仔抱住果仁,好似抱住禮物咁,客人都讚可愛。」熊仔果仁曲奇$32( 5塊/$58( 10塊) 

Elzik(客人):
平日想健康啲帶飯返公司食,但又唔想早起身預備飯盒,所以我幫襯 The Kitchenette買咗一樽意粉醬放喺公司, lunchtime將長通粉加埋啲醬撈一撈,微波爐一叮就食得,簡單又好味。

點造抹茶醬?

 




1.將牛奶煮熱後,加入抹茶粉,攪勻備用。


2.加熱鮮忌廉至沸騰,再加入剛才備用的抹茶牛奶,煮至漿糊狀即可。

facebook@Thekitchenette_

撰文:杜曉婷
攝影:劉宇軒(部分圖片由被訪者提供)

 

文章標籤

全站熱搜

tvb4life 發表在 痞客邦 留言(0) 人氣()