龍蝦包$138選用每天新鮮空運到港的波士頓龍蝦製作,配以極少醬汁突出原味,每一口都嚐到龍蝦肉的鮮嫩美味。

潮𡃁便當

3簡必試  Food Truck美食

Ads by Google

想試政府引入嘅美食車,最快都要等到 2017年年尾,到時美食車仲只出現在主要旅遊景點,似乎唔夠大眾化,今期《 FACE》一於介紹幾款熱門 food truck美食畀大家,即食唔使等,搵食都係靠自己主動出擊啦!

Labster Roll 中環新食點

身為 seafood roll的粉絲,最期待的畫面終於出現!去年風靡美國、英國及日本的 Lobster Roll熱潮吹到香港,有人專程飛去外國或遍尋本地食店都只為食個新鮮龍蝦包,最近龍蝦包專門店 Lobster Central於中環開幕,各位包迷又多個聚腳點。這裡的 Lobster Roll採用平均 1磅多的標準重量原隻龍蝦,每日從美國波士頓新鮮空運到港,即日鮮拆整隻龍蝦,滿滿的放入麵包內,肉質彈牙,亦嚐到海水鮮甜滋味。除了招牌龍蝦包,更有蟹肉包及蝦肉包,均以多肉少醬為原則,突出食材的鮮味。另外必飲每日用 15隻龍蝦熬製 6小時的龍蝦湯,味道極濃郁,飲完一碗超想 encore!




蝦肉包$88每個蝦肉包都盛載了 120克蝦肉,份量夠多,肉質豐滿爽口。


蟹肉包$118用上愛爾蘭蟹箝肉,蟹肉多,加入少量蛋黃醬,口感比龍蝦包更好。


龍蝦湯$48與龍蝦包一樣選用美國波士頓龍蝦熬製,不需加入其他食材,味道已非常濃郁,值得一試。 

食客 Kinder( 23歲  Sales):
「點咗 The Easy Option套餐,一次過試晒三款海鮮包,最鍾意蟹肉包,蟹肉加埋啲醬汁好好食,下次會再嚟食過。」



Lobster Central
中環士丹利街 50號地下 E號舖

自己配料自己揀 $27墨西哥卷超抵食

唔講唔知,原來香港好多人鍾意食 taco, Little Burro約兩年前開業,在上環和中環連開兩店,去年底在銅鑼灣開設 pop up store,反應熱烈到食客紛紛上 facebook專頁留言追問幾時重開,確實厲害。老闆 Roger來自北美洲,三年前來港從事設計工作,覺得在香港找不到好吃的墨西哥卷,就決定自己創業。開店故事雖然老掉牙,但他說自己賣的是 American style的 taco,有很多配料選擇,全部可自己配搭,口味勝在夠個人化。從美國入口的 Tortilla餅皮很鬆脆,配上煙雞肉、烤牛肉、綠色栗米等配料,飽肚又好味。店家逢星期二都有優惠,每份 taco只賣$27,以店員落配料絕不手軟來計,其實好抵食。




TACO$45(逄星期二特價$27)配料有煙熏辣椒雞、牛肉絲、莎莎醬、粟米、綠色辣椒、青檸,蔬菜很新鮮,以快餐來計,應該比吃漢堡包健康。


BURRITO$78墨西哥飯團,加入煙熏辣椒燒雞、粟米、綠色辣椒、黑豆、莎莎醬、芝士、青檸香菜飯,如嫌份量太大,亦有迷你版可供點選。


SALAD$78墨西哥版沙律,有豬肉絲、莎莎醬、酪梨醬、黑豆、糙米、生菜、車打芝士等,食晒一碗實夠飽。 

老闆 Roger:
「食 taco或 burrito不需要餐具,用手拎起食最有風味。」



Little Burro
中環蘇豪荷李活道 30號地舖( 2336 0505)

太古坊潮食 bagel 空運加拿大口味

香港的 bagel專門店少之又少,想食的可試位於鰂魚涌、專賣 bagel的 Yo Bago。這裡精選加拿大各地盛產的食材炮製各款 bagel,如溫哥華的煙三文魚、東岸 Halifax的龍蝦和山脈城市 Calgary的牛肉等,很有心思。除了 bagel sandwiches,亦有 cream cheese bagel供應, cream cheese口味有紅莓杏仁、綠茶、芝麻、薄荷朱古力等,每天新鮮製作。 Bagel包款共有七款,點餐時可任選,喜歡口感軟熟的必試原味或蜜糖麥包,洋蔥、藍莓和朱古力味的包則較煙韌,每日大約 7:30am、 12nn和 3pm和出爐,想食到最新鮮的出品可就時間來試。




Montreal Breakfast Delux$76選用加拿大入口燒牛肉和酸瓜,份量大,加入芥辣醬,更濃郁惹味。


Cranberry Almond Bago$23紅莓杏仁 cream cheese很香滑,簡簡單單,適合當作下午茶甜點。


Winnipeg Breakfast$52以火雞、芝士和紅莓醬製成,雞肉嫩滑,味道清新。 

食客 Alexander( 24歲  Manager):
「我覺得是香港最好食的 bagel,跟加拿大那邊的口味很相似。」



Yo Bago
鰂魚涌濱海街 80號地下( 2561 7700)

撰文:彭詩琪
攝影:陳嘉元

 

tvb4life 發表在 痞客邦 留言(0) 人氣()