全知言

最懷念的真.樂壇巨星

Ads by Google

上週一( 11日),經典英國歌手 David Bowie因癌症離世,不論樂壇中人或者市民當然好可惜,畢竟樂壇天王天后走吓一個、走吓又一個,好似 Michael Jackson咁,當年離世有幾轟動就知啦!
今期就同大家回吓帶,多年來離世嘅樂壇巨星,邊個仲值得你去懷念,可能係一首歌、一部戲、一個動作、甚至一個眼神都令你好印象深刻。

謝安琪:夢見哥哥


《壹週刊》圖片

第一位一定係哥哥張國榮㗎!我真係會發夢同 Leslie拍拖呢啲嘢。就算咁多年後,可能新年又會睇番《家有囍事》,間中又會睇到、聽到哥哥嘅作品,其實我都仲係好懷念佢,同埋覺得佢好似無離開過我哋身邊。

Baby John:迷魂眼神

哥哥係一個好有魅力嘅演員,亦都係一個好壓台嘅巨星,當佢喺台上面、喺螢幕上、甚至同對手,佢每一個眼神、每一個舉動都會令我被迷倒㗎!佢係香港一個好大嘅可惜,太快太突然,我永遠懷念,亦都係一個我永遠值得學習嘅好榜樣。

伍詠薇:陳百強伴成長

我二話不說一定係陳百強。因為陳百強陪伴住我喺中學時代成長,佢每一首歌、每一隻專輯我都擁有。佢嘅離去對我嘅打擊係非常之大,因為佢除咗歌好聽,同埋我鍾意佢個形象。我好鍾意佢隻〈等〉。陳百強,我永遠懷念你, I love you so much!







《壹週刊》圖片 黃婉曼:睇梅姐跳舞

細細個留喺屋企嘅時候就會聽梅姐唱歌,睇佢啲 MV,睇佢啲演唱會,我嘅首本名曲就係「請將冰山劈開,無謂再抑壓心底愛」,一唱起就會跳起舞。







《蘋果日報》圖片 Shine:永遠家駒

我哋兩個識嘅時候,第一個開始嘅話題都係 Beyond嘅家駒。到玩結他,見到家駒會驅使到我哋彈結他。最初覺得好有型,但係玩到結他之後至發覺,原來結他係一個語言嚟嘅!第一首學嘅結他係 Beyond嘅〈命運是你家〉。







街坊:由《紅 Van》開始愛上 David

咪以為 David Bowie只有 7、 80後至識欣賞,你點會估到 19歲嘅學生哥,竟然因為一部戲而鍾意咗 David Bowie!



Rick( 19歲)
David Bowie。因為佢喺《那夜凌晨,我坐上了旺角開往大埔的紅 Van》嗰首歌,所以好多香港人都識佢。



Alan( 19歲)
我最懷念嘅係 Beyond嘅黃家駒,細細個都聽過〈海闊天空〉,可能細個唔知個名但係一定聽過,啲歌詞,全部香港人都聽過。



Kayin( 21歲)
小學嘅時候,我覺得家駒啲歌都幾出名,可以哼得出但係我又唔知咩歌,但係又成日有人翻唱,咁我覺得佢都係一個幾值得人尊敬嘅歌手。

即時報料 facepop
熱線: 9222 0828
電郵: mailto:facenews@nextmedia.com
facebook: Face Magazine inbox
line、 we chat id: facemagazine

 

tvb4life 發表在 痞客邦 留言(0) 人氣()