紅色的皮製全盒,充滿新年的喜慶氣氛!

Jobs Live

皮製全盒過新年

Ads by Google

近年流行 D.I.Y.皮革用品,身邊總會有愛皮之人。有見 D.I.Y.的都是銀包、咭片套、小物袋及手帶等, Kenneth希望以有別傳統的作品,令皮製品應用於日常生活中。他與設計師阿諾合作,以環保概念為主題,開設工作坊教用回收的物料結合皮革,製作皮製全盒及皮揮春,開開心心過新年!




除了全盒外, Kenneth與阿諾還會教學員以加熱機及模具製作皮揮春。不必每年更換,環保耐用。

每逢過農曆新年,每家每戶都必備一個全盒,但傳統的全盒不是金蘋果就是金元寶,感覺老土。新一代講求品味, Kenneth與阿諾製作的皮全盒,除了可合拼為 6格的全盒外,平日更可分成 6個小盤子使用,靈活使用,十分方便。
正職為髮型師的 Kenneth,接觸皮革超過 5年, 4年半前開設 SewSimply Leather工作坊,教授學員製作各種皮製品。鑑於近年愈來愈多人對皮革有興趣,坊間的皮革工作坊亦開得愈來愈多, Kenneth覺得是時候搞搞新意思,「希望諗一啲冇乜人整過嘅用品。」

回收物料造產品


阿諾(左)表示與 Kenneth很合得來,「兩個人合作,諗嘅 idea都多啲。雖然我唔熟皮革,亦覺得整嘅過程有啲難度,但 Kenneth會慢慢同我討論改良嘅方法。」

Kenneth的朋友阿諾是室內設計師,兩年前起,他開始負責 OOM環保品牌 made in sample的回收物料的項目,「收集咗好多物料嘅樣辦,好似石、皮及布等,然後搵一啲 designer合作,製作一啲 upcycling嘅產品。」
見臨近新年, Kenneth與阿諾構思以三角形的小盤合拼為全盒,「可以分拆,活動性強,平日都可以使用,再配合回收嘅花布樣辦,每一格都有唔同嘅花紋,可增加新年嘅節日氣氛。」

教埋皮揮春


Kenneth(前排右)與阿諾(前排左),於去年開始舉辦皮製全盒工作坊,他們希望每年都改進並嘗試更多合作計劃。

Kenneth笑說嘗試多次才成功,製作的作品不下 30個,「一開始用啪鈕做連接點,但好易爆開,之後就改用磁石鈕;本身兜仔嘅三角形設計有摺叠嘅角位,但有呢種角就合拼唔到,最後改用針線縫合角位;布嘅質地都要試,唔可以有披口,會唔靚。」除了全盒外, 2人更會教學員用加熱機及模具來製作皮揮春,不用年年更換,美觀又耐用。
現時 SewSimply Leather月賺約$10,000,皮製全盒的學員以家庭客、夫婦及情侶為主,「一家大細上堂,可以分拆成好多個步驟,連小朋友都可以造簡單嘅工序,參與其中。」



Kenneth認為學員對於製作全盒的步驟都可以應付自如,「喺改良作品嘅同時,我都會就學員唔同嘅程度,去調整教法同造法。」

康(客人):
朋友向我介紹呢個皮製全盒班,我喺 ig同 facebook都睇過有關資料,覺得都幾特別同幾靚。全盒每年都可以用番,幾環保,製作過程唔係好復雜,幾易上手。

製作皮全盒逐步睇

 




1.先製作底盤,畫紙樣,裁出所需皮革。


2.縫合底盤所有角位。


3.小盤子的造法如底盤一樣,縫合所有角位後,便可在小盤子內貼上布辦。


4.修飾所有邊位。


5.最後在蓋的部分加上手把位。


6.完成

facebook@SewSimply Leather

課程:升級再造賀年全盒工作坊
機構: SewSimply Leather和 made in sample
日期: 2016年 1月 17日(星期日)
時間: 3:00pm至 5:30pm(2.5小時,包括所有材 料及贈送環保皮製揮春一個)
人數:每班 12人(小童 6歲以上)
地點: UPCC
內容:教授學員利用回收廢棄的皮革及人造皮和布辦,製作一個賀年全盒。
查詢: 98412697/ email: clive@oomhk.com

撰文:霍芷晴
攝影:葉曉明
(部分圖片由被訪者提供)

 

    tvb4life 發表在 痞客邦 留言(0) 人氣()