Kelly( 20歲)香港樹仁大學中文系 Yr.3在花店工作了 2年, Kelly累積了不少挑選鮮花的心得,「去花店揀花,盡量唔好揀已經盛放嘅花束,呢啲花可能擺多 1、 2日就會謝;揀啲仲未開嘅花,買返屋企可以放多兩日。」

U撈

賣動物造型乒乓菊 專攻學生市場

Ads by Google

女孩愛收花,不少男生為博紅顏一笑,都願意花上千元買幾日花期。
就讀樹仁中文系的 Kelly曾在花店當學徒,培養了對花藝的濃厚興趣,但見鬧市的精品花店,一束花動輒近千,身邊的同學都未必能負擔。
有見及此, Kelly於 facebook及 ig開網上花店「森林術」,到花墟搜羅貨源,並引入日韓流行的動物造型乒乓菊及迷你花束,以相宜價錢攻學生市場,大受歡迎。




15年初夏, Kelly在大阪的花店見到動物造型的乒乓菊,覺得非常可愛,故回港找乒乓菊貨源,自己製作花束。

森林術的招牌產品是動物造型乒乓菊及韓式迷你花,皆是 Kelly從異地取得靈感,「 15年中,我去日本大阪見到有花店,喺乒乓菊上加咗貓嘅耳仔及五官,造成動物造型嘅花束,好可愛,於是我就學整,並將佢由一束束花,改成一個個好似 cupcake嘅小盆栽,女仔會買嚟做生日禮物送畀朋友。另外,我喺網上見到韓國好流行似心口針咁大嘅迷你花束,我就將花束改到一隻手掌咁大,製成可以拎喺手嘅迷你花,中學生鍾意買嚟做小禮物。」
招牌動物造型乒乓菊及韓式迷你花,分別售$120及$40。 Kelly還會替客人製作花束,客人可先挑選主花的花種、顏色及數量,收費視乎花的品種而定,如 8枝小玫瑰約$280起。「男性客人多數訂粉色玫瑰送畀女朋友;想買花送畀男仔,可以揀多肉植物如玉蓮做主花。」 Kelly每月約接 10張訂單,聖誕、情人節生意會多 1倍,客人以高中生、大學生為主,平均月入約$2,000。

花店當學徒


Kelly現用精品花店的包紮方法來製作花束,「主要係歐美花束嘅設計方法,會用棉花、辣椒、橙皮等做襯花;包法亦唔似本地花店鍾意包到好整齊,花枝會有高有低,空間感強啲。加上,佢哋唔鍾意用花紙,會用牛皮紙、報紙去包花束,比較簡約。」

13年, Kelly到中環花店當了 2年學徒,學懂了鮮花顏色配襯的技巧,「我喺花店做兼職,學襯色、護理花卉、包裝花束,對花藝愈嚟愈有興趣。有咗基本功後,我開始幫朋友喺花墟訂花造花束,佢哋都好滿意成品。我發現坊間花店賣一束玫瑰起碼要 6、 7百蚊,學生未必負擔得起,如果我可以用一半價錢做到差唔多嘅質素,應該會受中學及大專生歡迎,就計劃開網上花店。」
14年 12月, Kelly於 facebook及 ig開設網上花店「森林術」,因鮮花容易凋零,她接到訂單才去買花,「心形玫瑰、乒乓菊等花種,花墟未必日日有貨。如果客人要 2日內起貨,我會請佢揀兩種主花及兩個顏色,其中一種冇貨都有 second choice補上。花墟訂花嘅 MOQ(最少訂貨數量)一般係 10支,入貨時亦要記得行多兩步,格吓價,因為同一束花,街頭街尾可能差$30。」

難忘造求婚花束


接網上訂單外, Kelly亦有辦插花 workshop作宣傳,每次約 6人,每位每堂 2小時收費$200至$250。「有情侶參加工作坊當拍拖,亦有男仔嚟造花束送畀女朋友。玩過工作坊嘅客人,有一半會再向我訂花。」

男士求婚的關鍵時候,求婚花束不容有失, Kelly至今最難忘的作品,正是一束求婚花球,「有位男客人提前兩星期向我訂購一紮紫玫瑰,用嚟喺情人節當日求婚,我立即向花店訂定貨。可惜到貨時,玫瑰花嘅狀態唔理想,只有幾支用得。因情人節貨源好緊張,我補唔到貨,最後用咗幾支紫玫瑰、紫羅蘭、棉花造咗一個紫色嘅花球,準時交貨。客人女朋友好鍾意,佢亦求婚成功,我都好開心。」
Kelly對花藝有濃厚興趣,畢業前會繼續經營網上花店,邊做邊學,「配襯鮮花,要對顏色好敏感,希望接多啲訂單,累積更多經驗,造出自己風格嘅花束。」



動物造型的乒乓菊不但可製成花束, Kelly更加以改良,造成 cupcake般的小擺設,「 cupcake比花束嘅手工複雜,要加啲花泥,但就可以保存多 4至 5日。」
熊仔乒乓菊 cupcake花束$120



迷你花的大小如一隻手大,非常袖珍, Kelly指製作時要用較小巧的花種,「滿天星嘅花好細,適合造成迷你花束。」
迷你花束$40



最受女孩歡迎的花種,依然是玫瑰,想更有特色可從顏色着手,「橙色、紫色嘅玫瑰會比粉色有新鮮感,但顏色較特別嘅玫瑰需要提前 1至 2星期預訂。」
橙色小玫瑰花束 $280起



Kelly會用多肉植物如玉蓮去做花束的主花,「玉蓮唔似鮮花顏色咁鮮艷,適合送畀男仔,佢哋拎上手會自在啲。」
玉蓮花束$185起



陳小姐(客人):
Kelly好細心,送貨時會教埋我點樣打理花束,可以令啲花 keep得耐啲。另外,花束嘅顏色配搭好柔和,比起大紅大紫嘅顏色,望落去更加舒服。

撰文:杜曉婷
攝影:葉偉豪
(部分圖片由皮訪者提供)

 

    tvb4life 發表在 痞客邦 留言(0) 人氣()