Common App

Bye bye大台  Netflix鄧陸香港

Ads by Google

雖然大台打鑼打鼓話要「優化」戲劇組,但相信大家都唔會再對佢哋嘅劇集抱有期望,想睇好劇始終要靠自己搵。韓日台劇喺香港有大把方法搵嚟睇,唯獨睇美劇嘅渠道比較少。不過𠵱家機會嚟喇,上年年中宣布將會大舉進軍全球嘅美國網絡影片平台 Netflix,終於喺上星期正式登陸香港,一下子多咗大量美劇選擇,首月仲有得免費任睇,美劇迷一定表示歡迎!

分畫質及共用屏幕收費

Netflix有網頁同 App版,無論喺手機、 tablet、電腦定電視睇都得。唔理你幾時開 a/c,都可以免費試睇,一個月之後就按 plan收費。月費方案有 3個,分別在於畫質及同一時間能供幾多個屏幕睇片。
最平嘅$63基本 plan,只支援標清畫質及同時僅供 1個屏幕睇片,即係只有低質 YouTube片嘅質素,較適合自己一個周街煲劇嘅人。中級嘅$78標準 plan支援 720p高清畫質同 2個屏幕,已適合喺電腦睇片,而且可分享 a/c畀另一個人同時睇。最貴嘅$93高級 plan,就支援 1080p或 4K畫質,亦可同時 share畀 4個芒睇唔同節目,同同學夾份睇或全家人共用就啱晒。唔滿意用緊個 plan嘅話,下個月升級或降級都冇問題。




無論用咩 plan,都可選擇喺手機、 tablet或電腦上面睇 Netflix,爭在畫質及同時可供幾多部機睇嘅數目唔同。


智能電視都能夠裝 Netflix app去睇,不過唔係所有機款都支援;唔支援的話,可考慮用 PS4、 Xbox One或 Apple TV裝 app駁電視睇。 有繁中文字幕

不過,實質睇到咩畫質,其實係取決於網絡速度同用咩裝置收看。例如用電腦睇嘅話,最高只支援 1080p畫質;而就算用 4K智能電視裝 app睇,得 10MB寬頻的話,個 app都會因應網絡速度而自動降低畫質到 1080p或更低,用家冇得自行調校畫質,而且並非所有節目都提供 4K畫面。但全部節目都有齊繁體中文同英文字幕,其實呢點最緊要!
至於有咩睇?識揀一定係揀美劇,正評劇包括《 Jessica Jones》、《 Beasts of No Nation》等都算新,但《紙牌屋》竟然欠奉。其他電影、美國綜藝節目及日劇都唔算特別吸引,若然對美劇冇興趣,試睇完 1個月 cut咗佢都冇損失。




雖有繁體中文字幕,不過大部分係台灣 style,例如「 Jessica Jones」譯做「潔西卡瓊斯」,有啲唔慣,但總好過冇或被迫睇殘體字。


搜尋功能仍有 bug,唔能夠直接打中文,要 copy& paste,而且用港譯名「里安納度狄卡比奧」搵唔到片,要用台灣譯名「李奧納多狄卡皮歐」先得。


電影唔算吸引,好似動作片分類除咗 Netflix自己發行嘅《 The Ridiculous 6》外,最新已經數到 2013年嘅《超人:鋼鐵英雄》同《悍戰太平洋》。

《收費》
開 a/c要填信用咭資料,試睇完想 cut就記住喺 1個月內登入「我的帳戶」去「取消會員資格」,否則下個月月費就會被過數,切記!









《試播》
目前電腦用 Chrome上 Netflix網頁睇片,最高只支援 720p畫質。試用公司幾慢嘅 100MB共享寬頻串流睇都夠順,睇成集劇都冇試過停低 load片,畫面亦堅有高清質素。

《 info》
Netflix
網址: http://www.netflix.com 
App平台: iOS、 Android、 Windows 10
App售價:免費

撰文:陳兆奇

 

    tvb4life 發表在 痞客邦 留言(0) 人氣()