壹科林

慳錢過年必裝着數 apps

Ads by Google

仲有個幾月,又到一年一度的農曆新年,除了辦年貨,仲要留定錢派利是,成個月人工好快使凸。但始終農曆新年,無得慳,惟有由日常生活入手,慳得一蚊得一蚊更實際。
最方便方法,就是下載定一堆着數 apps,無論衣食住行,全部都有得平有得減。

即時優惠  SodaCard

香港較大型的儲分 apps之一,只要行街時,到不同店鋪的 SodaCard儲分機,掃一掃 QR code,就可以儲到 5分。用家亦都可以搜尋到身處位置附近,有無支援 SodaCard的商戶。不過,最重要是不時都有即享禮物,例如半價食小籠包、半價食 All Day Tea Set等,連儲分步驟都慳埋。




只要一按「鄰近熱點」,便會找出身處附近的優惠商鋪。


有部分優惠需要儲夠積分先換到,但亦有部分優惠可即時下載。


售價:免費


支援平台 買一送一 The Entertainer

以本地消費為主,設定好地區後,就可搜尋附近優惠店鋪,用家只需預先購買優惠券,就有買一送一優惠。優惠層面亦算豐富,包括食肆、美容、消閒等近千款以上。但想享受優惠,就要先入會,盛惠年費$395,有關方面更話,最多可以慳番 71.3萬元優惠,之不過,有幾多人可以用到盡,最好自己計清楚先入會。




The Entertainer支援多個國家,香港是其中之一。


提供優惠的商鋪都幾大路,不過都以飲食為主。


售價:免費


支援平台 碌卡有賺 香港飲食優惠

在衣食住行中,食都佔有一定比重,想慳可以下載這個香港飲食優惠 app,當中除了有不少連鎖食肆供選擇之外,亦有不少折扣優惠,當中大部分以信用卡為主,例如用指定信用卡可享有九折、或購物滿一定金額可享有九折等,慳慳埋埋都幾和味。




好多大型連鎖店都有,幾全面。


優惠以信用卡為主,不過習慣慳家,又點會只得一張信用卡。


售價:免費


支援平台 方便取勝  Clipper

毋須儲分,只要在 app內睇到合心水的商鋪優惠,就可即時下載優惠券,購物時,只需要出示手機優惠券即可。種類方面,有齊飲食、美容、時尚、玩樂等,但最吸引是可以利用地區分類,即時搜尋附近優惠。一大班人無主意去邊度之時,最好用。




由個人美容去到家居用品都有,照顧不同用家。


最抵讚有地區分類,可以知道不同地區有什麼優惠。


售價:免費


支援平台 睇勻商場  HK1Mall香港商場優惠

提供不同商場優惠資訊,由購物到泊車都有,不單只有大商場,更有不少細商場資料。據有關方面指,現時 app內的優惠,已超過 139個以上,總有幾間合心水。




一次過睇勻大小商場優惠,毋須裝勻所有商場 apps。


有圖睇,亦有文字版,方便搵有乜優惠。


售價:免費


支援平台 快餐照慳  Storellet HK Loyalty App

好多人以為食快餐已經算慳,其實,如果用埋 Storellet就慳上加慳, Storellet是個儲積分 app,只需到指定商戶購物,之後就可以掃一掃收據上面的 QR code,就可以直接變成積分,而積分可再兌換成電子優惠券。現時商戶包括 KFC、 PHD、牛一日式放題等,雖然未算多,但小數怕長計,值得裝定先。




雖然現時可使用的商鋪未算多,但都有 KFC同 PHD,夠親民。


主要用積分兌換食物優惠,儲儲埋埋都可以慳到不少錢。


售價:免費


支援平台

撰文、攝影:蘆甘
mailto:features@nextdigital.com.hk

 

    tvb4life 發表在 痞客邦 留言(0) 人氣()